ភ្នំពេញ ៖ ស្រីស្អាតស៊ិចស៊ីលក់ឡេ និងខោអាវគេងយប់ តាមអនឡាញ ថៃ ស្រីនាង ដែលមានសាច់សខ្ចីញ៉េញដូចបណ្តូលចេក និងមានចិត្តទូលាយបញ្ចេញរូបរាងកាយរបស់នាងយ៉ាងបើកចំហ ដើម្បីលក់ផលិតផលរបស់ខ្លួន ធ្វើឲ្យបុរសមួយចំនួនមានអារម្មណ៍ក្រឺតក្នាញ់ប្រាថ្នានែបនិត្យនោះ ស្រាប់តែពេលនេះ ធ្វើឲ្យមហាជនមានការភ្ញាក់ផ្អើលជាខ្លាំង នៅពេលនាងបានបង្ហោះរូបភាព មានស្នាមរបួសជាំពេញខ្លួន ជាពិសេសប៉ោងមុខមាត់ស្ទើរមើលមិនស្គាល់ ជាពិសេសរបួសរយះផ្ទៃមុខផ្នែកខាងថ្ពល់ខាងស្តាំធ្ងន់ធ្ងរ។
យោងតាមគណនីហ្វេសប៊ុក នាង ថៃ ស្រីនាង បានបង្ហោះកាលពីវេលាទៀបភ្លឺថ្ងៃទី០៨ ខែកក្កដា ឆ្នាំ២០១៩ ឃើញសភាពរបស់នាងមានរបួសពេញផ្ទៃមុខឡើងហើមពោរ និងរយះថ្ពាល់ខាងស្តាំធ្ងន់ធ្ងរ ដោយសារតែបុរសជាសង្សាររបស់នាង បានប្រើអំពើហិង្សាធ្វើទារុណកម្មលើរូបនាង។ ជាមួយគ្នានោះដែរ នាងបានសរសេរសារថា « លើកនេះ ទី130 ហើយ ដែលអាថោកទាបនេះវៃខ្ញុំ ស្អែកខ្ញុំនិងឡាយ វីដេអូ សុំអោយសមត្ថកិច្ចចាប់ខ្លួនម្នាក់នេះជាបន្ទាន់ ព្រោះខ្ញុំអស់ភាពអត់ធ្មត់ហើយ សូមមេត្តាជួយខ្ញុំផង»។
ស្រីស្អាត ថៃ ស្រីនាង បានឡាយវីដេអូ បញ្ជាក់ថា « សង្សារវាយធ្វើបាបនាង ព្រោះតែរឿងប្រចណ្ឌ.. និយាយរួមមនុស្សគាត់ដូចសរសៃរប្រសាទ អ៊ីចឹង … និយាយរួមឲ្យទាស់សម្តីបន្តិច គឺគាត់(សង្សារ)វាយ គាត់បោកប្រាស់ និងចុងក្រោយនេះ ចាប់បោកក្បាលនាងនឹងជ្រុងគ្រែ »។
ដោយឡែក បុរសជាសង្សារដែលបានប្រើអំពើហិង្សាយ៉ាងសាហាវឃោឃៅលើស្រីស្អាតសាច់សខ្ចី ថៃ ស្រីនាង ត្រូវបានគេមានឈ្មោះថា ទឹមសាវុធ ជាមន្រ្តីជលផល ត្រូវជាគូស្នេហ៍របស់នាងតែម្តង។ ហើយមហាជនរង់ចាំមើលថា តើសមត្ថកិច្ចមានចំណាត់ការបែបណា ចំពោះជនដៃដល់ជាគូស្នេហ៍របស់នាង?
ជុំវិញនឹងរឿងរ៉ាវខាងលើនេះ អង្គភាពសារព័ត៌មាន «KBN» មិនដឹងជាមានការពិតកម្រិតណាទេ ព្រោះមិនអាចសុំការបញ្ជាក់បកស្រាយពីបុរសឈ្មោះថា ទឹមសាវុធ ជាមន្រ្តីជលផល បាននៅឡើយ តែយ៉ាងណា យើងរង់ចាំការបំភ្លឺពីគ្រប់ភាគីពាក់ព័ន្ធទាំងអស់៕
ដើម្បីឱ្យកាន់តែជ្រាបច្បាស់ សូមទស្សនាវីដេអូខាងក្រោមនេះ៖