រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានធ្វើការសុំអធ្យាស្រ័យដល់ប្រជាពលរដ្ឋខ្មែរ ព្រមទាំងមិត្តភក្តិបរទេស ដែលមានកម្មវិធីគ្រោងទុកនៅសប្តាហ៍ក្រោយ ប៉ុន្តែត្រូវបានលើកពេលជំនួបវិញ ព្រោះតែសម្តេចត្រូវអញ្ជើញទៅពិនិត្យនិងព្យាបាលនៅឯប្រទេសសិង្ហបុរី ពាក់ព័ន្ធបញ្ហាគ្រេចស្មាខាងស្តាំ ។
សម្តេចតេជោ ហ៊ុន សែន បានសរសេរសារនៅលើហ្វេសប៊ុកផេក នារសៀលថ្ងៃទី៦ ខែកក្កដា ឆ្នាំ២០១៩នេះ យ៉ាងដូច្នេះថា «ដោយសារមានបញ្ហាគ្រេចស្មាខាងស្តាំ និងដោយគ្រូពេទ្យតម្រូវឱ្យខ្ញុំទៅឱ្យគ្រូពេទ្យសិង្ហបូរីពិនិត្យ និងព្យាបាល ។
ខ្ញុំសូមអធ្យាស្រ័យពីសំណាក់មិត្តភក្តិទាំងបរទេសទាំងខ្មែរដែលត្រូវជួបខ្ញុំនៅសប្តាហ៍ក្រោយនេះដែលខ្ញុំត្រូវលុបចោលនូវជំនួបនោះ» ៕
