ភ្នំពេញ ៖ នៅព្រឹកថ្ងៃទី៣ ខែកក្កដា ឆ្នាំ២០១៩នេះ កម្លាំងនគបាលព្រហ្មទណ្ឌខណ្ឌមានជ័យ បានបញ្ជូនខ្លួនជនសង្ស័យចំនួន៩នាក់ ក្នុងនោះមានទីប្រឹក្សាក្រសួងមហាផ្ទែម្នាក់ និងអ្នកកាសែត៤នាក់ ដែលពាក់ព័ន្ធករណីលេងល្បែងបញ្ជាល់មាន់ និងអាប៉ោង ទៅតុលាការដើម្បីចាត់ការតាមច្បាប់ ។
ជនសង្ស័យទាំង៩នាក់ រួមមានទី ១ ៖ ឈ្មោះ ទិត វិចិត្រ អាយុ៣៨ឆ្នាំ ទីលំនៅផ្ទះលេខ៤៦៩ ផ្លូវលំ ភូមិត្រពាំងឈូក សង្កាត់ទឹកថ្លា ខណ្ឌសែនសុខ មុខរបរបុគ្គលិកក្រុមហ៊ុន។
ទី២ ៖ ឈ្មោះ ឡុង តារ៉ា អាយុ៣៧ឆ្នាំ ទីលំនៅផ្ទះជួល ផ្លូវ៣៧១ សង្កាត់បឹងទំពន់ទី២ ខណ្ឌមានជ័យ មុខរបរជាងកញ្ចក់ ។
ទី៣ ៖ ឈ្មោះ គឹម ង៉ែតសុពល អាយុ៦២ឆ្នាំ ទីលំនៅផ្ទះគ្មានលេខ ផ្លូវលំ ភូមិដំណាក់ធំ១ សង្កាត់ស្ទឹងមានជ័យទី២ ខណ្ឌមានជ័យ មុខរបរទីប្រឹក្សាក្រសួងមហាផ្ទៃ ។
ទី៤ ៖ ឈ្មោះ ហូ ផល អាយុ៤៥ឆ្នាំ ទីលំនៅផ្ទះគ្មានលេខ ផ្លូវលំ ភូមិត្រពាំងថ្លឹង សង្កាត់ទឹកថ្លា ខណ្ឌសែនសុខ មុខរបរបុគ្គលិកក្រុមហ៊ុន ។
ទី៥ ៖ ជនសង្ស័យឈ្មោះ សឿន សុង អាយុ៤៨ឆ្នាំ ទីលំនៅផ្ទះគ្មានលេខ ផ្លូវលំ ភូមិតានូ ឃុំស្អាងភ្នំ ស្រុកស្អាង ខេត្តកណ្តាល មុខរបររត់ម៉ូតូកង់បី។ ទី៦ ៖ ឈ្មោះ មោក យ៉េន អាយុ៣៦ឆ្នាំ ទីលំនៅផ្ទះជួល ផ្លូវលំ ភូមិទួលពង្រ សង្កាត់ចោមចៅ២ ខណ្ឌពោធិ៍សែនជ័យ មុខរបរអ្នកកាសែត ពិភពថ្មីព័ត៌មាន។
ទី៧ ៖ ឈ្មោះ ឈួន រ៉ាឈូ អាយុ៥៣ឆ្នាំ ទីលំនៅផ្ទះជួល ផ្លូវលំ ភូមិទួលពង្រ សង្កាត់ចោមចៅ២ ខណ្ឌពោធិ៍សែនជ័យ មុខរបរអ្នកកាសែត វីរៈសែនជ័យ។
ទី៨ ៖ ឈ្មោះ គ្រង រដ្ឋា អាយុ៤៨ឆ្នាំ ទីលំនៅផ្ទះជួល ផ្លូវលំ ភូមិគគីរធំ ស្រុកកៀនស្វាយ ខេត្តកណ្តាល មុខរបរអ្នកកាសែត សង្គ្រោះប្រជាពលរដ្ឋខ្មែរស្នេហាជាតិ ។
និងទី៩ ៖ ឈ្មោះ គឹម សាវិត អាយុ២៩ឆ្នាំ ទីលំនៅឃុំសាម៉លជ្រុំ ស្រុកស្វាយទាប ខេត្តស្វាយរៀង មុខរបរអ្នកកាសែតអំណាចខ្មែរ ។
សូមរម្លឹកថា ទីតាំងបើកល្បែងជល់មាន់ និងបាញ់អាប៉ោងធំមួយកន្លែង នៅចំណុចដីឡូតិ៍ព្រៃស្មៅ (ទុកចោល) ផ្លូវលំ ភូមិឬស្សី សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ត្រូវកម្លាំងនគរបាលឆ្មក់ចូលបង្ក្រាបនៅថ្ងៃទី៣០ ខែមិថុនា ឆ្នាំ២០១៩នេះ ដោយឃាត់ខ្លូនបានជនពាក់ព័ន្ធសរុប៩នាក់ ។ វត្ថុតាងដែលសមត្ថកិច្ចជំនាញដកហូតបាន សត្វមាន់ឈ្មោល (មាន់ជល់) ចំនួន០៣ក្បាល, ចានសម្រាប់លេងអាប៉ោងចំនួន០១, កំរាលសម្រាប់ចាក់អាប៉ោង ចំនួន០១ផ្ទាំង, ជញ្ជីងថ្លឹងចំនួន០១, កៅអីជ័រចំនួន០៩, នាមប័ណ្ណមួយចំនួន, ខ្នាយដែកចំនួន០២ដើម, ទូរស័ព្ទដៃចាស់ចំនួន១១គ្រឿង, លុយខ្មែរចំនួន៨៧០,០០០រៀល និង ម៉ូតូចំនួន០៤គ្រឿង ៕
