ភ្នំពេញ ៖ លោក សៅ សុខា ប្រធានសហព័ន្ធកីឡាបាល់ទាត់កម្ពុជា (FFC) បានយកប្រាក់រង្វាន់លើកទឹកចិត្តចំនួន៣៧,០០០ដុល្លារអាមេរិក ជូនដល់ក្រុមជម្រើសជាតិកម្ពុជា ដល់អាកាសយានដ្ឋានអន្តរជាតិភ្នំពេញ ។
នៅរសៀលថ្ងៃទី១២ ខែមិថុនា ឆ្នាំ២០១៩នេះ ក្រុមបាល់ទាត់កម្ពុជាបានធ្វើដំណើរមកដល់កម្ពុជាវិញហើយ ដោយមានវត្តមានរបស់នាយឧត្តមសេនីយ៍ សៅ សុខា ប្រធានសហព័ន្ធបាល់ទាត់ ចាំទទួលហើយក៏បាននាំយកថវិការបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន មកប្រគល់ជូនក្រុមគ្រូបង្វឹក និងកីឡាករផងដែរ ។
ក្រោយទទួលជ័យជម្នះ២ប្រកួតជាប់ៗគ្នា ក្នុងលទ្ធផល៤-១
ទៅលើក្រុមជម្រើសជាតិប៉ាគីស្ថាន បានធ្វើឲ្យក្រុមគោព្រៃកម្ពុជា ឈ្នះកៅអីមួយ
ដើម្បីឡើងទៅវគ្គចែកពូលក្នុងវគ្គជម្រុះជុំទី២ជាបន្តទៀត
ដែលនឹងចាប់ពូលនាថ្ងៃទី១៧ ខែកក្កដា ឆ្នាំ២០១៩ នៅទីក្រុងដូហា ប្រទេសកាតា
ជាទីដែលធ្វើម្ចាស់ផ្ទះ FIFA World Cup 2022 តែម្តង ៕
