នាពេលថ្មីៗនេះ នារីវ័យក្មេងរូបស្រស់ម្នាក់ បានធ្វើការផ្សាយវីដេអូផ្ទាល់តាមរយៈគណនីហ្វេសប៊ុក ដោយស្លៀកសំលៀកបំពាក់ស៊ិចស៊ី បញ្ចេញសាច់ដើមទ្រូងសខ្ចី ចូលរួមក្នុងកម្មវិធីខួបកំណើតមួយ ហើយត្រូវបានមហាជនខ្លះធ្វើការរិះគន់ និងខ្លះទៀតបានប្រើពាក្យសម្តីជេរប្រមាថឥតសម្ចីមាត់នោះ រហូតធ្វើឲ្យនាងបង្ខំចិត្តលុបវីដេអូនេះចោលវិញ នៅពេលនេះ យុវតីស្រស់សោភារូបនេះដែលមានគណនីហ្វេសប៊ុកឈ្មោះ Ley Ley Angel បានបង្ហោះសារផ្ញើតបទៅអ្នករិះគន់នាងថា នាងគ្រាន់តែជាអ្នកលក់សម្លៀកបំពាក់តាម Online ប៉ុណ្ណោះ មិនមែនជាតារា ឬអ្នកល្បីនោះទេ ។
កញ្ញារូបស្រស់ បានបង្ហោះសារនៅម៉ោង៩និង២៦នាទីព្រឹកថ្ងៃទី១១ មិថុនា ២០១៩នេះថា «សូមផ្ញើទៅកាន់អ្នកមិនពេញចិត្តទាំងអស់ថា សម្លៀកបំពាក់ថ្ងៃមុនដែរខ្ញុំពាក់នោះ វាស៊ិចស៊ី Sexy មែន ប៉ុន្តែក៏មូលហេតុដែរថ្ងៃនោះ រូបខ្ញុំត្រូវបានក្រុមហ៊ុនថតរូប១កន្លែង សុំឱ្យធ្វើជាតារាបង្ហាញម៉ូត Model Fashion ឱ្យគាត់ ។ បន្ទាប់ពីថតភ្លាមៗនោះ ខ្ញុំក៏ប្រញាប់មកកម្មវិធីខួបកំណើត Birthday មិត្តរបស់ខ្ញុំ ចំនួន៣កន្លែង ក៏ខ្ញុំស្លៀកពាក់ឈុតនេះមកតែម្តង ។ សុំមេត្តាកុំចាំតែរិះគន់ នឹងបំបាក់ផ្លូវចិត្តបានទេ ? ខ្ញុំមិនមែនជាតារា ក៏មិនមែនអ្នកល្បីទេ ជាមនុស្សធម្មតា ។ ខ្ញុំជាអ្នកលក់សម្លៀកបំពាក់ Online ប៉ុណ្ណោះ តើមូលហេតុអ្វីខ្ញុំមិនអាចស្លៀកឈុតដែរខ្ញុំមានលក់នេះបាន ? តែខ្ញុំពាក់បែបនេះ ក៏វាមិនទាន់ដល់កំរិតដូចពាក់ឈុតអាវខោក្នុង Bikini ណា ។ តើគ្រាន់តែពាក់បែបនេះ ខូចវប្បធម៌ដែរមែន ? ខ្ញុំមិនមែនពាក់ Bikini ចូលរួមកម្មវិធីគេណា ។ ហើយជាទូទៅខ្ញុំតែងតែផ្សាយផ្ទាល់ (Live)វីដេអូនិយាយលេងនៅពេលចូលរួមកម្មវិធី អ្វីក៏ដោយជាមួយមិត្តខ្ញុំ ។ បើបងប្អូន ប្រុសស្រី ណាមិនពេញចិត្តអូសរំលងចោលទៅ។ ខ្ញុំមានបានទៅធ្វើអីឱ្យអ្នកមកស្អប់ខ្ញុំណាមែនទេ កុំសុខៗមកថា ឬជេរដោយគ្រាន់តែឃើញខ្ញុំពាក់បែបនេះ ។ ចង់សួរថាបងៗ និងប្អូននារី ដែលត្រឹមត្រូវមិន ចេះស្លៀកពាក់បែបនិង សុទ្ធតែត្រឹមត្រូវមែន ខ្ញុំកើតមកក្នុងជីវិតរបស់ខ្ញុំ បើគិតថាមិនល្អ ក៏តាមចិត្ត សំខាន់ខ្ញុំដឹងថា ខ្លួនខ្ញុំជាអ្នកណាទៅបានហើយ នេះជារូបដែរខ្ញុំថតក្នុង STUDIO ….» ៕
