រាជធានីភ្នំពេញ ៖ នៅមុននេះបន្តិច បុរសជាមន្ត្រីផ្នែករដ្ឋបាល នៃក្រសួងបរិស្ថានម្នាក់ បានសម្លាប់ខ្លួន ដោយលោតពីលើអគារជាន់ទី៤ (អគារក្រសួងបរិស្ថាន) ស្លាប់យ៉ាងអាណោចអាធ័ម បង្កឱ្យមានការយ៉ាងខ្លាំងនៅកន្លែងកើតហេតុ នាព្រឹកថ្ងៃទី១០ មិថុនា ស្ថិតក្នុងសង្កាត់ទន្លេបាសាក់ ខណ្ឌចំការមន ។
ព័ត៌មានជាបឋមពីកន្លែងកើតហេតុប្រាប់អោយដឹងថា ខណៈនេះសម្ថកិច្ចជំនាញកំពុងតែចុះមកធ្វើការត្រួតពិនិត្យសព ជនរងគ្រោះមានឈ្មោះ ឪម សេងហួរ អាយុប្រហែលជាង៣០ឆ្នាំ ជាមន្ត្រីបម្រើការងារនៅក្នុងក្រសួងបរិស្ថានេះ ។
ពាក់ព័ន្ធនឹងការលោតសម្លាប់ខ្លួនរបស់មន្ត្រីរូបនេះ ក៏មិនទាន់ដឹងពីមូលហេតុនោះដែរ ខណៈកម្លាំងកំពុងចុះស្រាវជ្រាវបន្ត ។
ទោះជាយ៉ាងណា ករណីលោតសម្លាប់ខ្លួនពីលើអគារក្រសួងបរិស្ថាននេះ អ្នកកាសែតមិនត្រូវបានអនុញ្ញាតឲ្យចូលទៅក្បែរកន្លែងកើតហេតុនោះទេ ។
ភ្លាមៗ ជនរងគ្រោះ ត្រូវបានគេបញ្ជូនចេញពីបរិវេណ ក្រសួងបរិស្ថាន ដែលជាកន្លែងកើតហេតុតាមរយៈ រថយន្ត សាម៊ុយ ៕