រាជធានីភ្នំពេញ ៖ បើតាមហ្វេសប៊ុករបស់អគ្គិសនីកម្ពុជា-EDC បានជម្រាបជូនព័ត៌មានបន្ថែមថា ករណីដាច់ចរន្តអគ្គិសនីនៅរាជធានីភ្នំពេញ និងតាមបណ្តាខេត្តចំនួន ដោយសារមានបាតុភូតរន្ទះបាញ់ខ្លាំង មកលើខ្សែបណ្តាញតង់ស្យុងខ្ពស់ ២៣០គីឡូវុ៉ល(230KV) ពីអនុស្ថានីយតាកែវ (GS TK) មករាជធានីភ្នំពេញ ទោះបីជាមានខ្សែការពាររន្ទះរួចហើយក៏ដោយ ។
ក្រុមការងារអគ្គិសនីកម្ពុជាកំពុងតែសិក្សាជាមួយក្រុមហ៊ុន SIEMENS របស់ប្រទេសអាល្លឺម៉ង់ ដើម្បីសិក្សាតម្លើងប្រព័ន្ធខ្សែការពាររន្ទះបន្ថែម លើខ្សែបណ្តាញតង់ស្យុងខ្ពស់នេះ ។
ក្រុមការងារបច្ចេកទេសបានស្តារប្រព័ន្ធ និងភ្ជាប់ចរន្តជូនអតិថិជនឲ្យមានចរន្តអគ្គិសនីប្រើប្រាស់ឡើងវិញទាំងស្រុងនៅ វេលាម៉ោង១៥និង១៥នាទីរសៀល ។
សូមរម្លឹកថា នៅថ្ងៃទី២២ ខែឧសភា ឆ្នាំ២០១៩ វេលាម៉ោង១៤:១០នាទីរសៀល មានករណីលោតឌីស្យុងទ័រទ្វារចរន្តតង់ស្យុងខ្ពស់២៣០គីឡូវ៉ុល ពីអនុស្ថានីយតាកែវ (GS TK) មករាជធានីភ្នំពេញ ដែលបណ្តាលឲ្យដាច់ចរន្តអគ្គិសនីនៅរាជធានីភ្នំពេញ និងខេត្តមួយចំនួន ៕
