រាជធានីភ្នំពេញ ៖ នៅវេលាម៉ោង១៤និង១០នាទីរសៀលថ្ងៃទី២២ ខែឧសភា ឆ្នាំ២០១៩ មានករណីលោតឌីស្យុងទ័រទ្វារចរន្តតង់ស្យុងខ្ពស់២៣០គីឡូវ៉ុល ពីអនុស្ថានីយតាកែវ(GS TK) មករាជធានីភ្នំពេញ ដែលបណ្តាលឲ្យដាច់ចរន្តអគ្គិសនីនៅទូទាំងរាជធានីភ្នំពេញ និងខេត្តមួយចំនួន នេះបើតាមការជូនដំណឹងរបស់អគ្គិសនីកម្ពុជា ។
យ៉ាងណានៅពេលនេះ ក្រុមការងារបច្ចេកទេសកំពុងធ្វើការពិនិត្យ ដើម្បីស្តារប្រព័ន្ធ និងភ្ជាប់ចរន្តជូនអតិថិជនឲ្យឆាប់មានចរន្តអគ្គិសនីប្រើប្រាស់ឡើងវិញ នៅពេលទទួលបានព័ត៌មានបន្ថែមអំពីការដាច់ចរន្តអគ្គិសនីនេះ យើងខ្ញុំនឹងជូនដំណឹងជាបន្តបន្ទាប់ទៀត ។
គិតត្រឹមម៉ោងជាង៣រសៀលថ្ងៃដដែលនេះ នៅក្រុងភ្នំពេញ ក្រុមការងារបច្ចេកទេសបានធ្វើការភ្ជាប់ចរន្តអគ្គិសនីឲ្យប្រើប្រាស់ឡើងវិញហើយ ៕