ខេត្តកណ្តាល ៖ នារីវ័យក្មេងជាមនុស្សខ្សោយបញ្ញាម្នាក់ ស្នាក់នៅមណ្ឌលបណ្តុះបណ្តាលវិជ្ជាជីវៈបន្ទាយព្រាប ត្រូវយុវជន៣នាក់ ដែលនៅក្នុងមណ្ឌលជាមួយគ្នា ល្បួងនាងយកទៅរំលោភបូក រហូតដល់បានសម្រេចម្តងម្នាក់ៗ នៅក្នុងសួនច្បារ ចុងក្រោយនារីរងគ្រោះដាក់ពាក្យបណ្តឹង ឲ្យសមត្ថកិច្ចឃាត់ខ្លួនយុវជនទាំង៣នាក់ នាំយកទៅចាត់ការតាមច្បាប់ ។
ហេតុការណ៍រំលោភបូកនេះ បានកើតឡើងកាលពីវេលាម៉ោង៨ និង៣០នាទីយប់ ថ្ងៃទី១៤ ខែ ឧសភា ឆ្នាំ២០១៩ នៅចំណុចសួនច្បារក្នុងមណ្ឌលបណ្តុះបណ្តាលវិជ្ជាជីវៈបន្ទាយព្រាប ដែលមានទីតាំងស្ថិតនៅក្នុងភូមិត្រពាំងវែង ឃុំឆក់ឈើនាង ស្រុកអង្គស្នួល ។
នារីរងគ្រោះគឺជាជនខ្សោយបញ្ញា មានអាយុ១៩ឆ្នាំ ស្នាក់នៅក្នុងមណ្ឌលខាងលើ ។ ចំណែកឯ យុវជនទាំង៣នាក់ ដែលត្រូវសមត្ថកិច្ចចាប់ខ្លួន រួមមាន ទី១-ឈ្មោះចែម ចុន អាយុ ១៦ឆ្នាំ ទី២-ឈ្មោះប៉ូច គង់ អាយុ១៨ឆ្នាំ និង៣-ឈ្មោះបាន ម៉េង អាយុ២៩ឆ្នាំ ។ ជនសង្ស័យទាំង៣នាក់ កំពុងរៀនជួសជុលម៉ូតូ និងស្នាក់នៅក្នុងមណ្ឌលកើតហេតុខាងលើ ជាមួយនារីរងគ្រោះដែរ ។
សមត្ថកិច្ចដែលបានឲ្យដឹងថា កន្លងមក ជនសង្ស័យទាំង៣នាក់ ធ្លាប់បានល្បួងនារីរងគ្រោះទៅរួមភេទបានសម្រេចគ្រប់ៗគ្នា ដោយអ្នកខ្លះបានសម្រេច១ដង ខ្លះ២ដង និងខ្លះទៀត៣ដង ឯណោះ ប៉ុន្តែមិនដែលត្រូវបាននាងប្តឹងម្តងណានោះឡើយ ។ លុះមកដល់វេលាម៉ោង៨ និង៣០នាទីយប់ ថ្ងៃទី១៤ ឧសភា នារីរងគ្រោះ និងក្រុមជនសង្ស័យទាំងនោះ បានអង្គុយមើលទូរទស្សន៍ នៅក្នុងមណ្ឌលជាមួយគ្នា បន្ទាប់មកយុវជនឈ្មោះ ចែម ចុន បានហៅនារីរងគ្រោះឱ្យចេញក្រៅបន្ទប់ ពេលនោះ នារីរងគ្រោះក៏បានចេញទៅតាម ។ ក្រោយមកយុវជននោះ បានប្រាប់នាងថា «ឱ្យបងឈ្មោះ ម៉េង នេះ១ទៅ(រួមរ័ក)» បន្ទាប់មកនារីរងគ្រោះ ក៏បានយល់ព្រម ទើបឈ្មោះបាន ម៉េង បានដឹកដៃនារីរងគ្រោះ ចូលទៅក្នុងសួនច្បារខាងមុខ ហើយបានរួមភេទរហូតបានសម្រេចតែម្តង ទើបឈ្មោះបាន ម៉េង ក្រោកស្លៀកខោដើរចេញ ។ ចំណែកនារីរងគ្រោះមិនទាន់ក្រោកផង ស្រាប់តែយុវជនឈ្មោះចែម ចុន បានចូលទៅរួមភេទបន្តទៀត រហូតបានសម្រេចដែរ ។ រួចហើយយុវជនឈ្មោះ ចែម ចុន បានក្រោកដើរចេញ ទើបយុវជនឈ្មោះប៉ូច គង់ បានចូលទៅរួមភេទ រហូតបានសម្រេចក្រោយគេ ។
សមត្ថកិច្ចដែលបានបញ្ជាក់ថា លុះនៅថ្ងៃទី១៧ ខែឧសភា ឆ្នាំ២០១៩ ជនរងគ្រោះបានមកដាក់ពាក្យបណ្ដឹងនគរបាលស្រុកអង្គស្នួល សុំអន្តរាគមន៍ចាប់ខ្លួនជនសង្ស័យទាំង៣នាក់ខាងលើ ពីបទរំលោភបូក ។ លុះដល់ល្ងាចថ្ងៃដដែល សមត្ថកិច្ចក៏បានចុះឃាត់ខ្លួនជនសង្ស័យទាំង៣នាក់ នាំយកទៅសាកសួរតែម្តង ។
នៅចំពោះមុខសមត្ថកិច្ច ជនសង្ស័យឈ្មោះ ចែម ចុន បានសារភាពថា ខ្លួនធ្លាប់បានរួមភេទជាមួយនារីរងគ្រោះ ដោយស្ម័គ្រចិត្តគ្មានការបង្ខិតបង្ខំ បានសម្រេចចំនួន៣ដង រួចមកហើយ ។ ចំណែកឈ្មោះបាន ម៉េង បានឆ្លើយសារភាពថា ខ្លួនបានរួមភេទជាមួយជនរងគ្រោះ បានសម្រេចម្តង។ រីឯឈ្មោះ ប៉ូច គង់ បានសារភាពថាខ្លួន ធ្លាប់បានរួមភេទជាមួយនាង បានសម្រេចចំនួន២ដងដែរ ។
បច្ចុប្បន្នជនសង្ស័យទាំង៣នាក់នេះ សមត្ថកិច្ចកំពុងកសាងសំណុំរឿងបញ្ជូនខ្លួនជនសង្ស័យទៅកាន់តុលាការ បន្តនីតិតវិធីច្បាប់ ៕