ភ្នំពេញ ៖ បន្ទាប់ពីមហាជនរិះគន់ហាងចិនមួយកន្លែង ដាក់ស្លាកយីហោហាង មិនត្រឹមត្រូវតាមក្បួនច្បាប់ខ្មែរ ដោយសរសេរថា «ហាងមាន់លោក» រួចមកនៅព្រឹកថ្ងៃទី១៤ ឧសភា ២០១៩ នេះអាជ្ញាធរខណ្ឌចំការមន បានចាត់វិធានការរុះរើឈ្មោះហាងរបស់ជនជាតិចិន ដែលសរសេរឈ្មោះជាអក្សរខ្មែរត្រូវអក្ខរាវិរុទ្ធ ប៉ុន្តែមើលមិនដឹងជាមានន័យយ៉ាងម៉េច ។
កន្លងមកមហានជនបានសង្កេតឃើញថា ជនជាតិចិន បើកហាងនៅក្នុងព្រះរាជាណាចក្រកម្ពុជា ដោយសរសេរឈ្មោះជាភាសាខ្មែរ មិនត្រឹមត្រូវតាមក្បួនច្បាប់ បានកើតឡើងជាហូរហែ ភាគច្រើននៃស្លាកយីហោទាំងនោះស្ថិតក្នុងខេត្តព្រះសីហនុ ជាខេត្តដែលត្រូវបានប្រជាពលរដ្ឋលើកឡើងថា សម្បូរដោយជនជាតិចិនទៅធ្វើការវិនិយោគ និងបើកហាងរកស៊ីថ្មីៗយ៉ាងគំហុក ស្រាប់តែឥឡូវមានមកដល់ក្រុងភ្នំពេញទៀត ៕
