រាជធានីភ្នំពេញ ៖ នៅមុននេះបន្តិច ក្រសួងធនធានទឹក និងឧតុនិយម បានចេញនូវសេចក្ដីជូនដំណឹងស្តីពីស្ថានភាពអាកាសធាតុ អោយដឹងថា នៅថ្ងៃទី២២ មីនា ស្អែកនេះ ដល់ថ្ងៃទី២៥ មីនា ២០១៩ អាកាសធាតុនឹងមានកាប្រែប្រួលអាចមានភ្លៀងកក់ខែធ្លាក់ នៅតាមបណ្តាខេត្តក្រុងនានា ។
យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយម បញ្ជាក់ថា សម្ពាធទាបពីទិសខាងលិច និងនិរតីជួបប្រសព្វ និងសម្ពាធខ្ពស់ពីតំបន់ខ្ពង់រាប ។ ស្ថានភាពបែបនេះនឹងធ្វើឲ្យ ៖
១- បណ្តាលរាជធានី-ខេត្តនានា នឹងអាចមានភ្លៀងកក់ខែ ក្នុងនោះ ៖
– នៅថ្ងៃទី ២២-២៤ មីនា ៖ ខេត្តព្រៃវែង ស្វាយរៀង ត្បូងឃ្មុំ កំពង់ចាម កណ្ដាល កំពង់ស្ពឺ តាកែវ កំពង់ធំ កំពង់ឆ្នាំង ពោធិ៍សាត់ និងរាជធានីភ្នំពេញ ។
-នៅថ្ងៃទី ២៣-២៥ ខែមីនា ៖ ខេត្តសៀមរាប បាត់ដំបង ប៉ៃលិន បន្ទាយមានជ័យ ឧត្តរមានជ័យ និងខេត្តព្រះវិហារ ។
២- នៅថ្ងៃទី ២៣-២៥ ខែមីនា ៖
– បណ្តាលខេត្តនៅភាគខាងកើត ខាងត្បូង និងតំបន់មាត់សមុទ្រ សីតុណ្ហភាពអតិបរមាមាន ២៥-២៧ អង្សាសេ និងសីតុណ្ហភាពអតិបរមាមាន ៣០-៣២ អង្សាសេ ។
– បណ្តាលខេត្តដទៃទៀត សីតុណ្ហភាពអប្បបរមា មានពី ២៥-២៧ អង្សាសេ និងសីតុណ្ហភាពអតិបរមា មានពី ៣៤-៣៦ អង្សាសេ ។
តែទោះយ៉ាងណាក្រសួងសូមអំពាវនាវបងប្អូន មានការប្រុងប្រយ័ត្ន ចំពោះបាតុភូត ផ្គររន្ទះជាពិសេស ខ្យល់កន្ត្រាក់ ដែលនឹងកើតមានឡើងផងដែរ ៕