ភ្នំពេញ ៖ រដ្ឋាករទឹកស្វយ័តក្រុងភ្នំពេញ នឹងផ្អាកផ្គត់ផ្គង់ទឹកស្អាតរយៈពេលខ្លីប្រមាណ០៣ម៉ោង នៅតំបន់មួយចំនួន ក្នុងខណ្ឌចំការមន រាជធានីភ្នំពេញ នៅយប់ថ្ងៃទី២២ ខែមីនា ឆ្នាំ២០១៩ ដោយសារតែអ្នកជំនាញនឹងកាត់ភ្ជាប់បំពង់ ចែកចាយទឹកថ្មី។
យោងតាមសេចក្ដីរបស់រដ្ឋាករទឹកស្វយ័តក្រុងភ្នំពេញ មានខ្លឹមសារថា «រដ្ឋាករស្វយ័តក្រុង ភ្នំពេញ គ្រោងកាត់ភ្ជាប់បណ្ដាញចែកចាយទឹកថ្មី ទំហំ២២៥មម នៅលើផ្លូវកោះពេជ្យ(ក្នុងបរិវេណកោះពេជ្យ) ហើយត្រូវផ្អាកការផ្គត់ផ្គង់ទឹកនៅលើផ្លូវ Elite នៅក្នុងសង្កាត់ទន្លេបាសាក់ ខេត្ដចំការមន រាជធានីភ្នំពេញ នៅយប់ថ្ងៃសុក្រ ទី២២ ខែមីនា ឆ្នាំ២០១៩ ។ ការងារកាត់ភ្ជាប់បំពង់ទឹកថ្មីនេះ តម្រូវឲ្យរដ្ឋាករទឹកស្វយ័ត ក្រុងភ្នំពេញ ផ្អាកការផ្គត់ផ្គង់ទឹកមួយរយៈពេលខ្លី ប្រមាណជា០៣ម៉ោង គឺចាប់ពីម៉ោង ២១:០០នាទីយប់ ដល់ម៉ោង ២៤:០០នាទីយប់ និងអាចធ្វើអោយគុណភាពទឹកមានភាពល្អក់កករ ក្នុងរយៈពេលខ្លី ក្រោយពេលកាត់ភ្ជាប់បំពង់ទឹកថ្មីរួច» ៕