ខេត្តស្ទឹងត្រែង ៖ កម្លាំងសមត្ថកិច្ចកងរាជអាវុធហត្ថខេត្តស្ទឹងត្រែង កាលពីវេលាម៉ោង៣និង២០នាទីរសៀល ថ្ងៃទី០៧ ខែមីនា ឆ្នាំ២០១៩ បានចុះសហការជាមួយកម្លាំងកងរាជអាវុធហត្ថមូលដ្ឋាន ស្ទាក់បង្ក្រាបករណីជួញដូរគ្រឿងញៀនឆ្លងដែនដោយខុសច្បាប់មួយករណី នៅចំណុចផ្លូវបំបែកវ៉ឺនខាម ស្ថិតក្នុងភូមិខាំផាត់ សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង និងបានធ្វើការឃាត់ខ្លួនឈ្មួញគ្រឿនម្នាក់ និងថ្នាំញៀនចំនួន៣៩កញ្ចប់ ក្នុងមួយកញ្ចប់តូចប្រមាណជា២០០គ្រាប់ ។
ជនសង្ស័យដែលត្រូវឃាត់ខ្លួន ឈ្មោះ ប៊ុន ម៉ា ភេទប្រុស អាយុ៤៣ឆ្នាំ ជាជនជាតិឡាវ រស់នៅក្រុងវៀងចន្ទប្រទេសឡាវ ។
ប្រភពពីកងរាជអាវុធហត្ថខេត្តស្ទឹងត្រែង បានប្រាប់អោយដឹងថា ករណីសមត្ថកិច្ច ស្ទាក់ឃាត់ខ្លួនពេលជនសង្ស័យឆ្លងព្រំដែន មកជួញដូរក្បែរខ្សែបន្ទាត់ព្រំដែនកម្ពុជា.ឡាវ ក្នុងខេត្តស្ទឹងត្រែង ប្រទេសកម្ពុជា ។
ក្រោយពីចាប់ខ្លួនជនសង្ស័យ និងវត្ថុតាង ត្រូវបានមន្ត្រីជំនាញកសាងសំណុំរឿងបញ្ជូនខ្លួនទៅសាលាដំបូងខេត្តតាមនីតិវិធី ៕