វ៉ាន់ នីឡា តារាកំប្លែងម្នាក់ក្នុងក្រុមនាយពាក់មី ដែលជាកូនស្រីរបស់លោកតាវ៉ិចទ័រ អ្នកផលិតកម្មវិធីទូរទស្សន៍ CTN នោះ នឹងដឹកដៃគូស្នេហ៍ថ្មី ចូលរោងការនៅ២ឆ្នាំទៀត ពោលគឺនៅឆ្នាំ២០២១ ខាងមុខនេះហើយ ។
ស្រីស្រស់រាងតូចច្រឡឹង វ៉ាន់ នីឡា បានប្រាប់អ្នកកាសែតថា ចំពោះមូលហេតុដែលធ្វើឲ្យនាង និងគូដណ្ដឹង ត្រូវពន្យារពេលក្រាបផ្ទឹមនេះ ដោយសារតែរូបនាងផ្ទាល់ និងសង្សារ យល់ថា នៅក្មេងៗពេក កុំអាលចូលរោងការឆាប់ៗអី វាមិនយូរណាស់ណាទេ ទ្រាំបន្ដិចក៏បានដែរ ។
នីឡា និងសង្សារថ្មី ស្រលាញ់គ្នាខ្លាំងណាស់ ហើយអនាគតស្វាមីនីឡា ចង់រៀបការឲ្យបានឆាប់បំផុត ព្រោះខ្លាចមានអ្នកផ្សេង តាមស្រលាញ់កូនស្រីសំណព្វចិត្តតែមួយរបស់លោកសុវណ្ណ ឬទ្ធី ហៅតាវ៉ិចទ័រ ដែរ ។
សូមជម្រាបថា វ៉ាន់នីឡា ធ្លាប់បានភ្ជាប់ពាក្យជាមួយលោក ផន រង្សី កូនថៅកែល្ខោនបាសាក់ ប៉ុន្តែបានចែកផ្លូវគ្នាទៅវិញ បន្ទាប់មក ឆ្នាំ២០១៨ លោករង្សី បានទៅភ្ជាប់ពាក្យជាមួយនារីម្នាក់ នៅខេត្តតាកែវ នឹងត្រៀមចូលរោងការឆាប់ៗនេះ ។ ដើម្បីកុំឲ្យចាញ់អតីតគូដណ្ដឹង វ៉ាន់ នីឡា ប្រកាសថា នាងនឹងរៀបការនៅឆ្នាំ២០២១ ខាងមុខនេះដែរហើយ ៕