ក្រុងព្រះសីហនុ ៖ រថយន្តអត់ពន្ធចំនួន០២គ្រឿង ត្រូវបានមន្ត្រីសាខាគយ និងរដ្ឋាករខេត្ត សហការជាមួយកម្លាំងសមត្ថកិច្ចចម្រុះ ចុះចាប់នៅចំណុចមុខកាស៊ីណូ ម៉ី កៅម៉ី ក្នុងសង្កាត់លេខ០៤ក្រុងព្រះសីហនុ កាលពីព្រឹកថ្ងៃទី១៤ កុម្ភៈ ២០១៩ នេះ ។
លោកឡុច ស៊ីផេន អនុប្រធានសាខាគយ និងរដ្ឋាករខេត្តព្រះសីហនុ បានអោយដឹងថា រថយន្តដែលមន្ត្រីគយចុះចាប់យកនេះរួមមាន ទី១ រថយន្តម៉ាក LEXUS RX450h ផលិតឆ្នាំ២០១០ ពណ៌ស ដោយប្រើប្រាស់លតាប័ត្រ និងស្លាកលេខក្លែងក្លាយ(ភ្នំពេញ2Aw -4332) និងទី២ រថយន្តម៉ាក TOYOTA ALPHARD ផលិតឆ្នាំ២០១៧ ពណ៌ស ដោយប្រើប្រាស់លតាប័ត្រ និងស្លាកលេខក្លែងក្លាយ(ភ្នំពេញ2Ak-2998) ។
សមត្ថកិច្ចអះអាងថា ម្ចាស់រថយន្តទាំងនោះពុំត្រូវបានឃាត់ខ្លួនទេ បច្ចុប្បន្នរថយន្តទាំង២គ្រឿង យកមករក្សាទុកនៅសាខាគយ និងរដ្ឋាករខេត្ត ៕