ស្វាយរៀង ៖ ចំការអំពៅសម្រាបផលិតស្ករចំនួន៨៣ហិកតា របស់ក្រុមហ៊ុនចំនួន២ ត្រូវភ្លើងឆេះម៉ត់ស្ទើរសល់តែផេះ កាលពីម៉ោង១១និង១០នាទីព្រឹកថ្ងៃទី១២ ខែកុម្ភៈ ឆ្នាំ២០១៩ ដែលស្ថិតនៅក្នុងឃុំគគីរសោមស្រុកស្វាយទាប ខេត្តស្វាយរៀង ជាប់ព្រំដែនកម្ពុជា-វៀតណាម ។
បើតាមលោក កុយ សារ៉េន ម្ចាស់ចំការអំពៅ បានឲ្យដឹងថា មុនពេលមានភ្លើងឆេះ គេឃើញមានកម្មករកំពុងកាប់អំពៅ និងមានម៉ាស៊ីនច្រូត ក៏កំពុងតែច្រូតផង ស្រាប់តែសុខៗ មានអណ្តាតភ្លើងឆេះយ៉ាងសន្ធោសន្ធៅហើយស្លឹកអំពៅហោះរាយប៉ាយ ពិបាកគ្រប់គ្រងខ្លាំងណាស់ ។
លោកបន្តថា ខណៈភ្លើងកំពុងឆេះនោះ ក្រុមកម្មករនាំគ្នារត់មកការដ្ឋាន ដើម្បីមកយកអាត្រាក់ទ័រភ្ជួរកាត់ចំការអំពៅនិងបាញ់ទឹក ប៉ុន្តែមិនបានជោគជ័យនោះទេ ដោយសារមានខ្យល់បក់ ហើរស្លឹកអំពៅដែលឆេះមកកាត់មុខ ត្រាក់ទ័រ ហើយការឆេះនោះវាលឿនពេក កម្មករស្ទើររត់ពុំរួចផង ។
ហេតុការណ៍នេះចំពោះមូលហេតុនៃការឆាបឆេះនេះគេនៅមិនទាន់ដឹងនៅឡើយទេ ។ បណ្តាលឲ្យឆេះអស់ចំនួន៥៨ហិកតា និងក្រុមហ៊ុន សុផាត សំណាងអស់ចំនួន២៦ហិកតា ផងដែរ ។
ចំពោះមូលហេតុនៃការឆាបឆេះនេះគេនៅមិនទាន់ដឹងនៅឡើយទេ ហើយភ្លើងរលត់ទៅវិញនៅម៉ោង២និង២០នាទីរសៀលថ្ងៃដដែល បច្ចុប្បន្ននេះសមត្ថកិច្ចកំពុងធ្វើការស្រាវជ្រាវ ៕
