សិល្បៈ៖ បទចម្រៀងមួយបទរបស់តារាចម្រៀង Original ថេណា ដែលមានចំណងជើងថា «អេម» បានធ្វើឲ្យ មហាជន ជាពិសេសអ្នកសិល្បៈចាប់អារម្មណ៍យ៉ាងខ្លាំង ដោយសារតែបទនេះ ជាប្រភេទបទ ១៨+ មានលាយឡំពាក្យអាសអាភាស មិនតែប៉ុណ្ណោះក៏មានការរិះគន់យ៉ាងខ្លាំងផងដែរ ។
ជាក់ស្ដែង អ្នកនាង ចន ចន្ទលក្ខិណា ប្រធានសមាគមសិល្បៈ ក៏បានកើតទុក្ខមិនសុខចិត្តចេញមុខ ស៊ែព័ត៌មានទាក់ទងនឹងបទចម្រៀងរបស់ ថេណា មួយបទខាងលើនេះ ព្រមទាំងពោលពាក្យយ៉ាងដូច្នេះថា «ទទួលយកអត់បានទេអូន រឿងអាម៉ាស់របស់មនុស្សស្រីណាអូន ខ្លាំងអស្ចារ្យណាស់ប្អូនប្រុសដែលយករឿងលើគ្រែរបស់ប្អូន និងមនុស្សស្រី មកអួតជាសាធាណៈអោយគេដឹងថាប្អូនពិតជាជាប់ចិត្តនិង ពូកែនូវទង្វើសកម្មភាពបែបនោះរបស់មនុស្សស្រី ។
បងសុំសរសើរអូនដែលក្លាហាន រឿងបែបនេះជាច្បាប់ធម្មជាតិដែលបង្កើតមនុស្ស និង សត្វអោយមានតម្រេកតណ្ហា តែមនុស្សម្នាក់ៗគេមិននិយាយជាសាធារណះនោះទេ ព្រោះជារឿងកេរ្តិខ្មាសរបស់មនុស្សទាំងបីភេទ ។ ហើយអូនមានគិតទេថាទង្វើបែបនេះអ្នកម្តាយ និង បងស្រី ប្អូនស្រីរបស់ប្អូនក៏ធ្លាប់មានដែរ ហើយបើឪពុក ឬ ដៃគូររួមភេទរបស់ពួកគាត់លើកយកទង្វើ សកម្មភាពរួមភេទរបស់អ្នកទាំងនោះមកនិយាយជាសាធារណះវិញតើអូនមានអារម្មណ៍បែបណា ? បងសុំទោសចំពោះហ្វេនៗរបស់ប្អូនប្រុសផង» ។
យ៉ាងណាមិញ ក្រោយពីសាររបស់ អ្នកនាង ចន ចន្ទលក្ខិណា បញ្ចេញនៅលើហ្វេសប៊ុកមិនទាន់បានប៉ុន្មានផង សាមីខ្លួនផ្ទាល់ គឺ ថេណា បានឆ្លើយតបតាមរយៈប្រអប់ Comment ថា «អគុណបងដែលបានណែនាំ តែមកចង់បកស្រាយវាជាសិល្បៈន័យការ Rap វាតែងតែមានពាក្យធ្ងន់ខ្លះហើយ ចុះត្រង់បងថតរឿងចៅពស់កេងកង ដែលខ្ញុំមេីលពីក្មេងនោះយ៉ាងម៉េចវិញ ចាំបាច់អីមានឈុតដោះខោអាវស្ទៀបអង្អែល ហើយធ្វើសំឡេងធ្វើអ្វីបង!ខ្ញុំគ្រាន់តែយកមក rap ចុះបងថតរឿងចេញជា video វាម៉េចវិញបង វាមិនខុសគ្នាអីនឹងសិល្បៈ ន័យការលេងសំដីនោះទេ! ខ្ញុំមិនដែលគិតចង់ប៉ះពាល់អ្នកទេ ខ្ញុំធ្វើសំរាប់តែ fans ខ្ញុំទេអគុណ» ។
សូមបញ្ជាក់ថា បន្ទាប់ពីបទ «អេម» របស់ ថេណា បង្ហោះលើគណនីយូធូប ផ្ទាល់ខ្លួនបានត្រឹមរយៈពេលជាង ១០ម៉ោង មានអ្នកចូលទៅទស្សនាយ៉ាងច្រើន តែដោយសារមានការរិះគន់ខ្លាំងពេកផងនោះ គេក៏សម្រេចលុបចោលតែម្ដង ៕
សហការី KBN