សិល្បៈ៖ តារាកំប្លែងសម្តីមិនចេះរីងស្ងួតនាយចយ ក្រោយពីកាន់ដៃភរិយាចូលរោងជ័យរួចមក អ្នកទាំងពីរតែងតែបង្អួតនៅភាពរ៉ូមែនទិក តាមរយៈបណ្តាញសង្គមមិនចាញ់គូស្នេហ៍តារាល្បីៗមួយចំនួននោះដែរ ។
បន្ទាប់ពីស្ងប់ស្ងាត់ពីការងារសិល្បៈ នាយចយ នៅតែជាតារាកំប្លែងមួយដួងដែលនៅដក់ជាប់ក្នុងចិត្តមហាជនអ្នកគាំទ្រតែងតែចង់ដឹង ចង់ឮពីសកម្មភាព និងសុខទុក្ខរបស់តារាកំប្លែងរូបនេះជានិច្ច ។
ដោយឡែកថ្មីៗនេះនាយចយ និងភរិយាក៏បានបង្ហើបដំណឹងល្អមួយដល់អ្នកគាំទ្រ ជាពិសេសភរិយារបស់ខ្លួន ព្រោះនាយបានសម្រេចក្តីបំណងរបស់ភរិយាទុកគ្រាន់ជាចំណងដៃ នៃអាពាហ៌ពិពាហ៌ ។ តាមរយៈរូបភាពឩបករណ៍ពិនិត្យទឹកនោម ដែលភរិយានាយចយ បានបង្ហោះ និងបានថ្លែងនូវក្តីរំភើបរីករាយផងដែរថា”គ្មានអ្វីសប្បាយចិត្តជាងទទួលបានសមាជិកថ្មីទេ! welcome Baby” ៕
សហការី KBN
