ព្រះសីហនុ ៖ នៅរសៀលថ្ងៃ១៦ ខែមករា ឆ្នាំ២០១៩ មន្ត្រីគយដោយមានកិច្ចសហការពីសមត្ថកិច្ចពាក់ពន្ធ័ បានចុះចាប់រថយន្តអត់ពន្ធមួយគ្រឿងម៉ាកឡង់គ្រីស័រ ពណ៌ខ្មៅ ចង្កូតឆ្វេង ពាក់ស្លាកលេខក្លែងក្លាយ ភ្នំពេញ 2AF-2197 បើកបរដោយជនជាតិចិន នៅជិតសាលាវិទ្យាលនមិត្តភាព ចំណុចក្រុម១៥ ភូមិ៥ សង្កាត់លេខ៤ ក្រុងព្រះសីហនុ ។
បច្ចុប្បន្នរថយន្តមួយនេះ សមត្ថកិច្ចយកមករក្សាទុក នៅសាខាគយនិងរដ្ឋាករខេត្តព្រះសីហនុ ដើម្បីបន្តនិតិវិធី ។
សូមរម្លឹកថា កាលពីថ្ងៃទី១០ ខែមករា កន្លងទៅថ្មីៗនេះ លោក ទុំ ណូ ប្រធានសាខាគយ និងរដ្ឋាករខេត្តព្រះសីហនុ បានឲ្យដឹងថា មន្ត្រីជំនាញរបស់លើក បានសហការចុះចាប់ និងបង្ក្រាបចាប់រថយន្តសេរីទំនើបចង្កូតស្ដាំបន្លំពន្ធចំនួន៩គ្រឿង ក្នុងរយៈពេលប៉ុន្មានថ្ងៃចុងក្រោយនេះ ដើម្បីយកមករក្សាទុកនៅសាខាគយ និងរដ្ឋាករខេត្តព្រះសីហនុ ។
លោក ទុំ ណូ បញ្ជាក់ថា រថយន្តទំនើបចង្កូតស្តាំបន្លំពន្ធទាំងនេះ នឹងត្រូវដកហូតទុកជាទ្រព្យសម្បត្តិរដ្ឋ ដោយមិនមានការដោះស្រាយបង់ជាប្រាក់ពិន័យឲ្យម្ចាស់នាំយកទៅវិញនោះទេ ៕