កំពង់ចាម ៖ អធិការដ្ឋាននគរបាលស្រុកកងមាស និងកម្លាំងប៉ុស្តិ៍នគរបាលព្រែកក្របៅ បានបើកកិច្ចប្រតិបត្តិការ ចុះបង្ក្រាប ករណីបទល្មើសនេសាទខុសច្បាប់ នៅចំណុចមាត់បឹងច្រកែងគួយ ស្ថិតក្នុងភូមិព្រែកក្របៅនិងចំណុចគោ ដេក នៃភូមិពាមក្នុង ឃុំព្រែកក្របៅ ស្រុកកងមាស ខេត្តកំពង់ចាម កាលពីថ្ងៃទី១៦ ខែធ្នូ ហើយកិច្ចប្រតិបត្តិការនេះ បានរឹបអូសឧបករណ៍ខុសច្បាប់បានមួយចំនួន ។
។
ប្រភពពីគេហទំព័ររបស់អគ្គស្នងការដ្ឋាននគរបាលជាតិ បានឳ្យដឹងថា ប្រតិបត្តិការបង្ក្រាបបទល្មើសនេសាទនេះ មានរយៈពេល៥ម៉ោង និងបានរឹប រឹបអូសវត្ថុតាងរួមមាន របាំងផ្ជិតព្រែកចំនួន០៣កន្លែង លបរ៉ាវ ចំនួន៦មាត់ បង្គោលចម្រឹង ចំនួន ៧២ដើម ដាយទំហំ២០ម×២,៥ម×៤០ម ចំនួន០១មាត់ និងដាយទំហំ៤ម×២ម×១៥មចំនួន០១មាត់។ កូនត្រីចម្រុះចំនួន ១០ គីឡូក្រាម ត្រូវបានចាក់លែងចូលបឹងធម្មជាតិវិញ។ ដោយឡែក វត្ថុតាំងដែលរឹបអូសបានទាំងនេះ បានយកមក ដុតកម្ទេចចោល ដោយមានការអនុញ្ញាតពី លោក ហួត វុទ្ធី ព្រះរាជ អាជ្ញាអមសាលាដំបូងខេត្តកំពង់ចាម៕
