ខេត្តត្បូងឃ្មុំ ៖ យោងតាមសេចក្តីបំភ្លឺរបស់ស្នងការដ្ឋាននគរបាលខេត្តត្បូងឃ្មុំ បានបង្ហាញថា បច្ចុប្បន្នមន្ត្រីនគរបាល ឈ្មោះ យ៉ា សុផល បាននឹងកំពុងឃាត់ខ្លួននៅស្នងការដ្ឋាននគរបាលខេត្តត្បូងឃ្មុំ ដើម្បីកសាងសំណុំរឿងបញ្ជូន ទៅសាលាដំបូងខេត្តត្បូងឃ្មុំ ពីបទប្រមាថ និងបទប្រឆាំងអ្នករាជការសាធារណៈ តាមមាត្រា៥០២ និង៥០៣ នៃក្រមព្រហ្មទណ្ឌ ។
ជាមួយគ្នានេះ ស្នងការខេត្ត ក៏បានបដិសេធន៍ចំពោះព័ត៌មានដែលបានចុះផ្សាយថា នគរបាលបានវាយទៅលើមន្ត្រីរដ្ឋបាលព្រៃឈើ ដែលចូលរួមក្នុងកិច្ចប្រតិបត្តិការ គឺជារឿងមិនពិតឡើយ ។ រីឯសេចក្តីបញ្ជាក់របស់ខណ្ឌរដ្ឋបាល ព្រៃឈើត្បូងឃ្មុំ ក៏បង្ហាញថា ជននោះពុំបានប៉ះពាល់ និងបង្ករបួសស្នាមមកលើមន្ត្រីរដ្ឋបាលព្រៃឈើទេ ។ គឺ យ៉ា សុផល វាយចំកញ្ចប់មាត់បង្កមានរបួសស្នាមទៅលើ ឆេន សុផាត ដែលជាមន្ត្រីនករបាលខេត្តត្បូងឃ្មុំ ។ ត្រង់ចំណុចវាយកញ្ចប់មាត់នគរបាលម្នាក់នេះ ស្នងការខេត្តត្បូងឃ្មុំក៏បានបំភ្លឺដែរថា គឺ យ៉ា សុផល យកដៃក្រវៀសកាមេរ៉ា ដែលកំពុងថតចំពីមុខគាត់ បណ្តាលឱ្យជ្រុលទៅត្រូវចំចង្ការ ឆេន សុផាត តែបន្តិចប៉ុណ្ណោះ មិនបណ្តាលឱ្យមានរងរបួសស្នាមដល់រាងកាយនោះឡើយ ។
សូមរម្លឹកថា ប៉ូលិសម្នាក់ថា បើសមត្ថកិច្ចហ៊ានចាប់រថយន្តដឹកឈើក្រញូងនឹងរលាយមួយខេត្តត្បូងឃ្មុំ!
សេចក្តីលម្អិតសូមអានលិខិតទាំងស្រុងរបស់ខណ្ឌរដ្ឋបាលព្រៃឈើត្បូងឃ្មុំ នៅភ្ជាប់ខាងក្រោម ៖
