កណ្ដាល៖ សិស្សានុសិស្សប្រមាណ២០នាក់នៅវិទ្យាល័យកោះធំ ស្ថិតក្នុងស្រុកកោះធំ ខេត្តកណ្តាល នាព្រឹកនេះ បានដួលសន្លប់ជាបន្តបន្ទាប់ ដោយសង្ស័យថា បណ្ដាលពីពុលចំណីអាហារ នេះបើយោងតាមរបាយការណ៍ដែលទទួលបានពី អគ្គស្នងការនគរបាលជាតិ ហើយស្ថិតក្នុងកាលៈទេសៈនេះ សិស្សរងគ្រោះទាំងអស់កំពុងពិនិត្យនិងស្រាវជ្រាវបន្ថែម ដើម្បីស្វែងរកមូលហេតុច្បាស់ការណ៍ ។
សូមរំឭកផងដែរថា កាលពីថ្ងៃទី៧និង ទី១១ ខែធ្នូ ឆ្នាំ២១៨ សិស្សានុសិស្សចំនួន៩៣ នាក់ នៅវិទ្យាល័យថ្មគោល ក្នុងខេត្តបាត់ដំបង បានដួលសន្លប់ ដោយគ្រូពេទ្យថា ការដួលសន្លប់នោះ មកពីអាកាសធាតុក្ដៅពេក ទើបបណ្ដាលឲ្យសិស្សានុសិស្សមានអាការៈឈឺក្បាល វិលមុខ និងថប់ដង្ហើម៕