ព្រះសីហនុ ៖ មន្ត្រីសាខាកាំកុងត្រូលខេត្តព្រះសីហនុ សហការជាមួយស្ថាប័នពាក់ព័ន្ធ ចុះផ្សព្វផ្សាយអំពីគុណភាព សុវត្ថិភាពម្ហូបអាហារ និងធ្វើតេស្តបឋមលើគ្រឿងសមុទ្រស្រស់ និងបបែលក្រៀម នៅផ្សារវាលរេញ កាលពីថ្ងៃទី១១ ធ្នូ ២០១៨ រកឃើញបបែល មានផ្ទុកសារធាតុគីមីហាមឃាត់«ប៉ូរ៉ាក់» ។
ក្រៅពីរកឃើញងៀតបបែលចំនួន៣០គីឡូក្រោម មានផ្ទុកសារធាតុគីមីហាមឃាត់ និងបានរកឃើញការបន្លំដាក់បន្ថែមទម្ងន់ ដោយចាក់សារធាតុមានសណ្ឋានដូចចាហួយ ចូលទៅក្នុងបង្គា ចំនួន១៥គីឡូក្រាម ផងដែរ ។
មន្ត្រីជំនាញ ក៏បានធ្វើកំណត់ហេតុដកហូត ដើម្បីយកទៅដុតកម្ទេចចោល ជាមួយនឹងបបែលផ្សេងទៀត ដែលមានលាយសារធាតុគិមីដែលបានដកហូតចំនួន២៨.៥០គីឡូក្រាម នៅផ្សារលើ ដែលរកឃើញកន្លងទៅ និងឱ្យម្ចាស់បបែល និងបង្គាធ្វើកិច្ចសន្យាបញ្ឈប់ការលក់ក្នុងរូបភាពណាមិនប្រក្រតីបន្តទៀត ។
ក្នុងថ្ងៃដដែល មន្ត្រីសាខាកាំកុងត្រូលបានធ្វើការណែនាំដល់អាជីវករដទៃ អោយយល់ដឹង និងអនុវត្តទៅតាមច្បាប់ស្តីពីការគ្រប់គ្រងគុណភាព សុវត្ថិភាព លើផលិតផល ទំនិញ និងសេវា ជៀសវាងបង្កផលប៉ះពាល់ដល់សុខភាពប្រជាពលរដ្ឋ និងអាចប្រឈមចំពោះមុខច្បាប់ថែមទៀត បើមិនព្រមបញ្ឈប់ ៕
