ហ្វេសប៊ុក៖ ថ្មីៗនេះមានព័ត៌មានជាច្រើននៅលើបណ្ដាញសង្គមហ្វេសប៊ុក ចុះផ្សាយអំពីតារាចម្រៀងជើងចាស់លោក នូ ស៊ិប ធ្លាក់ខ្លួនឈឺធ្ងន់ដល់ថ្នាក់និមន្តព្រះសង្ឃមកសូត្រមន្តដល់ផ្ទះ ដែលជាហេតុនាំឱ្យមានការចែករំលែក និងចាប់អារម្មណ៍យ៉ាងខ្លាំងពីសំណាក់មហាជន ។
យ៉ាងណាមិញទាក់ទងជាមួយគ្នានេះ ស្រាប់តែ ឯកឧត្ដមបណ្ឌិត ម៉ុង ឫទ្ធី បានសរសេរនៅលើទំព័រហ្វេសប៊ុករបស់លោក បកស្រាយថា តាមពិតក្នុងអំឡុងពេលដែលមានព័ត៌មានថា លោក នូ ស៊ិប ធ្លាក់ខ្លួនឈឺដេកកន្ទេលនោះ គឺលោកកំពុងតែឈរច្រៀងយ៉ាងពីរោះរណ្ដំ នៅក្នុងភោជនីយដ្ឋាន7ប្រាយ2 ។
លោក ឯកឧត្ដមបណ្ឌិត ម៉ុង ឫទ្ធី បានឱ្យដឹងយ៉ាងដូច្នេះថា «គេចេះតែបង្ហោះតាម FACEBOOK ថាលោក នូ សុិប កំពុងមានជម្ងឺជាទម្ងន់ឥលូវក្រុមគ្រួសារ បាននិមន្តព្រះសង្ឃមកសូត្រសាយន័្តតោថែមទៀតផង ។
តែការពិតលោក នូ សុិប កំពុងតែឈរច្រៀងយ៉ាងពិរោះរណ្ដំដ៏ដែល នៅក្នុងភោជនីយដ្ឋាន 7ប្រាយ2 យប់ថ្ងៃអាទិត្យទី១៨ខែវិច្ឆិកាឆ្នាំ២០១៨នេះ ព្រមទាំងមានមហាជនជាច្រើនកុះករកំពុងតែទស្សនាផង » ៕
សហការី KBN