ភ្នំពេញ ៖ លោកព្រឹទ្ធាចារ្យភិរម្យ ប្រាជ្ញ ឈួន អធិរាជចាប៉ីដងវែង ដ៏ល្បីល្បាញ ត្រូវបានក្រុមគ្រួសារបញ្ជូនពីខេត្តតាកែវ មកកាន់មន្ទីរពេទ្យកាល់ម៉ែត រាជធានីភ្នំពេញ ដើម្បីសង្គ្រោះបន្ទាន់បន្ទាប់ពីមានបញ្ហាសុខភាព ដែលនៅថ្ងៃទី៩ ខែវិច្ឆិកា ឆ្នាំ២០១៨ នេះ ក្រុមគ្រូពេទ្យកំពុងធ្វើការតាមដាន ។
អធិរាជចាប៉ីដងវែង ប្រាជ្ញ ឈួន គឺជាចាស់ព្រឹទ្ធាចារ្យម្នាក់ នៅក្នុងសិល្បៈវប្បធម៌បុរាណខ្មែរ ផ្នែកចាប៉ីដងវែង ដែលធ្លាប់ច្រៀងប្រៀនប្រដៅមិនតិចនោះទេ ។
បច្ចុប្បន្ន លោកតាចូលដល់វ័យចាស់ជរា ព្រោះលោកមានអាយុ ៨៣ឆ្នាំទៅហើយ ដោយមានជំងឺជាច្រើនប្រចាំកាយ ។
សូមរម្លឹកថា កាលពីឆ្នាំមុន សម្ដេចតេជោ ហ៊ុន សែន ក៏ធ្លាប់បានឧបត្ថម្ភជាប្រាក់២០លានរៀល សម្រាប់លោកតាទុកព្យាបាលជំងឺផងដែរ ៕