កំពង់ឆ្នាំង៖ មួយរយៈខ្លីចុងក្រោយនេះករណីឃាតកម្មទៅលើកុមារីពីរនាក់បងប្អូនដែលកើតឡើងនៅភូមិថ្មី ឃុំផ្សារ ស្រុកបរិបូរណ៍ ខេត្តកំពង់ឆ្នាំង កំពុងកក្រើកខ្លាំងនៅក្នុងសង្គមខ្មែរ ជាពិសេសនៅលើបណ្ដាញសង្គមហ្វេសប៊ុកតែម្ដង ហើយរហូតមកដល់ថ្ងៃទី១៩ តុលា ២០១៨ ម្សិលមិញនេះ សមត្ថកិច្ចឈាន់ដល់ឃាត់ខ្លួនជនសង្ស័យពីរនាក់គឺឪពុកមា និងម្ដាយមីងរបស់ជនរងគ្រោះ ។
យ៉ាងណាមិញ ក្រោយពីឃាត់ខ្លួនជនសង្ស័យហើយនោះ សមត្ថកិច្ចពុំបានទម្លាយចេញឱ្យដឹង អំពីករណីពាក់ព័ន្ធយ៉ាងណានៅឡើយ ក្នុងរឿងឃាតកម្ម ជាមួយនឹងជនសង្ស័យទាំងពីរនាក់នោះទេ ព្រោះសមត្ថកិច្ចកំពុងតែបន្តនីតិវិធីស្រាវជ្រាវបន្តនៅឡើយ ។
សូមបញ្ជាក់ថា ករណីឃាតកកម្មទៅលើក្មេងស្រីពីរនាក់បងប្អូនខាងលើនេះបានកើតឡើងកើតឡើងនៅភូមិថ្មី ឃុំផ្សារ ស្រុកបរិបូរណ៍ ខេត្តកំពង់ឆ្នាំង កាលពីថ្ងៃទី ថ្ងៃទី១៨ ខែតុលា ឆ្នាំ២០១៨ ។
ជនរងគ្រោះទាំងពីរនាក់បងប្អូនមានឈ្មោះ ទី១ អ៊ុល លក្ខណា អាយុ១៤ឆ្នាំ និងទី២ ឈ្មោះ អ៊ុល ធីតា អាយុ៧ឆ្នាំ ចំណែកឪពុកទៅធ្វើការនៅឯប្រទេសថៃ និងម្ដាយធ្វើការជាកម្មកររោងចក្រនៅទីក្រុងភ្នំពេញ ។
ចំណែកការធ្វើកោសលវិច័យលើសាកសពកាលពីយប់ថ្ងៃទី១៨ ខែតុលា អាជ្ញាធរឃុំ បានអោយដឹងថា កុមារីរងគ្រោះឈ្មោះ អន លក្ខិណា អាយុ១៤ឆ្នាំ ត្រូវបានឃាតកវាយបំបាក់ឆ្អឹងជំនីខាងស្ដាំ វាយពកក្បាល និងដៃជើងទាំង៤ កាច់បំបាក់ ដើម្បីយកសពញាត់បញ្ចូលក្នុងហិបដាក់ខោអាវ ចំណែកកុមារី ឈ្មោះ ជុន មេត្តា អាយុ៧ឆ្នាំ ក៏ត្រូវបានឃាតកកាច់បំបាក់កសម្លាប់ចោល ហើយញាត់ចូលក្នុងហិបទាំង២នាក់បងប្អូនផងដែរ។
រឿងឃាតកម្មដ៏សាហាវមួយនេះ ប្រជាពលរដ្ឋ ក៏ដូចជាអាជ្ញាធរមូលដ្ឋានបានសំណូមពរដ៏ទទូចដល់សមត្ថកិច្ចជំនាញគ្រប់ជាន់ថ្នាក់ មេត្តាពន្លឿនក្នុងការស៊ើបអង្កេតស្រាវជ្រាវ ដើម្បីវែកមុខរកឃាតកដៃដល់ក្នុងករណីឃាតកម្មដ៏សាហាវខាងលើនេះ ខណៈដែលពេលនេះផងដែរ ជនសង្ស័យពីរនាក់ត្រូវបានឃាត់ខ្លួន ហើយសមត្ថកិច្ចកំពុងសាលសួរ និងស្រាវជ្រាវ ៕
សហការី KBN