ភ្នំពេញ ៖ នគរបាលការិយាល័យរដ្ឋបាល-សរុប (ក១) នៃមន្ទីរប្រឆាំងគ្រឿងញៀន កាលពីថ្ងៃទី១៥ ខែតុលា ឆ្នាំ២០១៨ កន្លងទៅ បានចុះបង្ក្រាបករណី ដឹកជញ្ជូនគ្រឿងញៀនឆ្លងដែនខុសច្បាប់ ពីប្រទេសកម្ពុជា ទៅប្រទេសអូស្ត្រាលី នៅចំណុចមុខក្រុមហ៊ុនផ្ញើបញ្ញើ ផ្លូវសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ ដោយឃាត់ខ្លួនជនសង្ស័យ២នាក់ ។
បើតាមអគ្គស្នងការដ្ឋាននគរបាលជាតិ ចេញផ្សាយនៅថ្ងៃទី១៨ ខែតុលា នេះ ថា ជនសង្ស័យឈ្មោះ ចាន់ ដារ៉ា ភេទស្រី ឆ្នាំកំណើត១៩៩១ ជនជាតិខ្មែរ និង ឈ្មោះ TAM HIU TING ភេទស្រី ឆ្នាំកំណើត ១៩៦៣ ជនជាតិវៀតណាម សញ្ជាតិចិនហុងកុង ។
ចាប់យកវត្ថុតាង រួមមាន គ្រឿងញៀនប្រភេទមេតំហ្វេតាមីន (ICE) ទម្ងន់ ៩៦១.៩០ក្រាម ដែលលាក់បង្កប់ ក្នុងជញ្ជាំងកេសក្រដាស ៕