ភ្នំពេញ ៖ នៅម៉ោង១១និង០១នាទីព្រឹកថ្ងៃទី១៧ តុលា ២០១៨នេះ អ្នកនយោបាយវ័យក្មេង កញ្ញា ធី សុវណ្ណថា បានបង្ហោះសារព្រមានប្តឹង យុវជនម្នាក់ដែលមានឈ្មោះលើហ្វេសប៊ុកថា Heng Yin ហៅចំប៉ីខ្មៅ ឲ្យលោកចេញមុខសុំទោសជាសាធារណៈ និងលុបវីដេអូ រួមនិងលុបផុស ប្រមាថនោះចេញ ដោយទុកពេលរយៈពេល២៤ម៉ោង បើមិនដូច្នោះទេ នឹងចាត់ការប្តឹងតាមច្បាប់ហើយ ។
មូលហេតុដែលកញ្ញា ធី សុវណ្ណថា ព្រមានប្តឹងបែបនេះ ក៏ដោយសារតែលោក Heng Yin (ចំប៉ីខ្មៅ) កាលពីម្សិលមិញ បានប្រមាថលើពាក្យ “ឦសានបុរៈ” ដោយលោកផុស និងបានភ្ជាប់ដោយរូបសើចចំអកជាច្រើនថា ៖
« តោះចេញទើសពេញទីតែម្ដងទៅ កុំឲ្យគេថា fake page (គណនីក្លែងក្លាយ)
ស្អីគេ ឦសានបុរៈ និយាយដល់បុរេប្រវត្តិ ឈុតគ្មានអត្តសញ្ញាណជាតិ (រូបសើចចំអក) សម្រាប់រចនាបថសម្បូរព្រៃគុក ខ្មែរនៅទទួលឥទ្ធិពលពីឥណ្ឌា ពេញប្រទេសសោះហ្នឹង រហូតដល់រចនាបថព្រះគោបានខ្មែរចេះច្នៃឲ្យមានលក្ខណៈជាតិនិយមបែបខ្មែរ(រូបសើចចំអក) មើលបន្តិចស្មានតែឥណ្ឌា (រូបសើចចំអក) » ។
បន្ថែមលើនេះ លោក Heng Yin (ចំប៉ីខ្មៅ) ក៏បានបង្ហោះសារនៅលើគណនីពិតរបស់លោក ដោយភ្ជាប់រូបគ្រឿងអលង្ការ នៃឈុត “ទេពីស្រុីសួគ៌ឦសានបុរៈ” ជាគ្រឿងកាឡៃប្រៀបប្រដូចទៅនឹងទុយោរជ័រម៉ាកថៃទៀត ។
សូមរម្លឹកថា ធី សុវណ្ណថា ទុកពេល១ថ្ងៃឲ្យយុវជនម្នាក់ដែលប្រមាថឈុត«ទេពីស្រុីសួគ៌ឦសានបុរៈ»
