ថៃ ៖ ស្ត្រីជនជាតិថៃម្នាក់ បានសម្រេចយករឿងដ៏ខកចិត្តមួយ ចែករំលែកនៅលើហ្វេសប៊ុកកាលពីថ្ងៃចន្ទ បន្ទាប់ពីសាក់របស់នាងដែលត្រូវបានសន្មត់ថា ជាដើមផ្កា របស់រុក្ខជាតិម្យ៉ាង នៅត្រូវខ្យល់ ស្រទាប់នៃផ្ការ៉េរាំយ៉ាងស្រស់ស្អាត ប៉ុន្តែរូបសាក់របសនាងវិញ បែរជាលេចចេញនូវអ្វីដែលមើលទៅហាក់ដូចជាគំនរឈើឆ្កាង រសាត់អណ្តែតនៅក្នុងលំហអាកាសទៅវិញ ។
កញ្ញា Alisa Kingkan អាយុ២៦ឆ្នាំ មកពីខេត្តសាខនណាក់ខុម បានដាក់ពាក្យប្តឹង នៅប៉ុស្តិ៍ប៉ូលីសអោយជួយអន្តរាគមន៍ រូបសាក់ដ៏អាក្រក់របស់នាងដោយសារវិចិត្រករម្នាក់ជាអ្នកចាក់សាក់ ក្នុងហាងមួយ នៅផ្សាររាត្រី ក្នុងប្រទេសថៃ ។
ស្រីស្អាត Alisa បានរៀបរាប់ប្រាប់អ្នកសារព័ត៌មានថា នាងបានដើរផ្សារជាមួយបងស្រីរបស់នាង កាលពីយប់ថ្ងៃអាទិត្យ ទី៧ តុលា ២០១៨កន្លងមកនេះ ខណៈពេលពួកគេទាំងពីរបានឆ្លងកាត់ហាងសាក់មួយ ដោយម្ចាស់ហាងដែលជាជាងចាក់សាក់ បានប្រាប់ថា រូបសាក់តូចមួយ មានតម្លៃតំម្លៃត្រឹមតែ២០បាត (ស្មើនឹង០,៦០ដុល្លារអាមេរិក) ប៉ុណ្ណោះ ។
បន្ទាប់មកនាងក៏បើកមើលរូបសាក់តាមមីនុយសៀវភៅ ឃើញរូបមួយបង្ហាញពីតំណាងនៃផ្ការុក្ខជាតិ ដែលនាងចង់សាក់តាម ម្ចាស់ហាងបាននិយាយថា គាត់អាចធ្វើវាបាន ក្នុងតម្លៃធូរថ្លៃទេ សរុបទាំងអស់ត្រឹមតែ៣០០បាតទេ (៩ដុល្លារអាមេរិក) ។
កញ្ញា Alisa រៀបរាប់បន្តថា នាងក៏យល់ព្រមអោយសាក់ ខណៈកំពុងតែចាក់សាក់នៅលើស្មាផ្នែកខាងក្រោយរបស់នាងនោះ ជាងសាក់ចាប់ផ្តើមជក់បារី និងផឹកស្រាបៀរបន្តបន្ទាប់ ។
បន្ទាប់ពីបញ្ចប់ការសាក់រួចរាល់ នាងបានឆ្លុះកញ្ចក់មើល ឃើញរូបសាក់ស្ទើរធ្លាក់ថ្លើម ពេលនោះនាងសឹងតែស្រែកយំ ក្រោយពីពិនិត្យមើល រូបសាក់ដែលកុំម្ម៉ងឲ្យសាក់ដើមផ្ការុក្ខជាតិ១ដើម កំពុងរ៉េរាំក្នុងខ្យល់ នៅលើស្មារបស់នាង បែរជាឃើញរូបសាក់ហាក់ដូចជា គ្របដណ្តប់ទៅដោយ «ឈើឆ្អាង» រសាត់រណែតនៅក្នុងលំហអាកាសទៅវិញ ?
Alisa បានតវ៉ាជាមួយជាងសាក់ដែរ ប៉ុន្តែជាងសាក់ដែលជាវិចិត្រករនោះ បានការឆ្លើយតបថា វាគឺជា«សិល្បៈ» ។ បន្ទាប់មកជាងសាក់បានសម្របសម្រួល ដោយនិយាយថា គាត់នឹង «កែតម្រូវ» វាឡើងវិញជូន ។
ប៉ុន្តែដោយខ្លាចក្រែងថា វិចិត្រករទំនងស្រវឹងស្រា មិនអាចកែអោយល្អបានទេ ស្រួលមិនស្រួលធ្វើវាកាន់តែអាក្រក់ជាងមុន ដូច្នេះ Alisa បានសម្រេចចិត្តមិនឲ្យគាត់ធ្វើតែឡើងវិញទេ ហើយធ្វើដំណើរមកដាក់ពាក្យបណ្តឹង នៅប៉ុស្តិ៍ប៉ូលិស៕