ភ្នំពេញ ៖ បើតាមវីដេអូឃ្លីបមួយ ត្រូវបានមហាជនរិះគន់ និងទាមទារឲ្យសមត្ថកិច្ច មានវិធានការទៅតាមផ្លូវច្បាប់លើស្ត្រីម្នាក់ ខឹងកូនតូចបានយកស្កុត ចងដៃ ចងជើងបិទមាត់មិនអោយស្រែក ។
វីដេអូឃ្លីបនេះត្រូវគេបង្ហោះចែកចាយនៅតាមបណ្តាញសង្គមហ្វេកបុក បានបង្ហាញឲ្យឃើញថា ស្ត្រីម្នាក់ ខឹងកូនតូច អាយុប្រហែលជាជាងមួយឆ្នាំ កំពុងស្រែកយំ ធ្វើឲ្យស្ត្រីជាម្តាយ ដែលកំពុងបោកខោអាវមិនកើត បានយកស្កុតមក ចងរុំដៃពាត់ទៅក្រោយ ចងជើង បិទមាត់ មិនអោយស្រែក និងធ្វើអ្វីបាន ។
អ្នកនិយមលេងនៅបណ្តាញសង្គម ប្រតិកម្មថា ចុះក៍អាក្រក់ម្ល៉េះ ? នាងម្ដាយនេះចាប់កូនខ្លួនបង្កើតអែង រុំដៃជើងបិទមាត់នឹងស្កុត អីក៍អាក្រក់ម្ល៉េះនាងម្ដាយនេះ! ក្មេងវាដឹងស្អីវា ខុសត្រូវអីមិនគួរធ្វើបាបក្មេងម្លឹងទេ ។ ជួយ Share ម្នាក់មួយផងបងប្អូនដើម្បីអោយអង្គការការពារកុមារបានឃើញ និងបានទៅជួយដល់ប្អូនម្នាក់នេះផង ។
តែទោះបីជាយ៉ាងណាគេមិនទាន់ដឹងថា ស្ត្រីដែលប្រើអំពើហឹង្សាទៅលើកូនរបស់ខ្លួននេះ មានទីលំនៅនៅឯណានៅឡើយទេ ។ ហើយក៏មិនដឹងថា ប្រព្រឹត្តនៅថ្ងៃណាអោយពិតប្រាកដដែរ ប៉ុន្តែមហាជនមានការខឹងសម្បា សូមជូនពរអ្នកមីង អោយឆាប់ទទួលផល ពីអ្វីដែលបានសាងលើក្មេងតូចម្នាក់នេះ ៕