ភ្នំពេញ ៖ បើតាមវីដេអូឃ្លីបមួយ ត្រូវបានបង្ហោះតាមបណ្តាញសង្គមហ្វេសប៊ុក អំពីសកម្មភាពរបស់ប៉ូលីសចរាចរណ៍ កំពុងតែធ្វើការផាកពិន័យ ទៅលើជនជាតិចិន២នាក់ ដែលបើកបររថយន្តដោយខុសច្បាប់នោះ បើតាមការបកប្រែអោយដឹងថា ប៉ូលីសបានផាកពិន័យ លើជនជាតិចិនដោយបើករថយន្តគ្មានពាក់ខ្សែរក្រវ៉ាត់ ទើបបងប៉ូលីសដែលចេះភាសាចិនរូប នេះ ធ្វើការទារប្រាក់រហូតដល់ទៅ១០០ដុល្លារ ។ ក្រោយមកតថ្លៃ សល់៥០ដុល្លារ ។
នគរបាលចរាចរណ៍ផ្លូវគោកម្នាក់ ដែលបានយកលុយពីបុរសជនជាតិចិនម្នាក់ ចំនួន ៥០ដុល្លារ ដោយសារបុរសចិននោះ បើកបរឡាន មិនពាក់ខ្សែក្រវ៉ាត់ នៅខេត្តព្រះសីហនុ នៅព្រឹកថ្ងៃទី១១ ខែតុលា ឆ្នាំ២០១៨ ត្រូវបានឃាត់ខ្លួន នៅស្នងការប៉ូលិសហើយ ។
ផែនសណ្តាប់ធ្នាប់ នៃស្នងការដ្ឋាននគរបាលខេត្តព្រះសីហនុ បានអោយដឹងថា នគរបាលចរាចរណ៍ផ្លូវគោក ដែលពាក់ព័ន្ធនឹងករណីខាងលើ មានឈ្មោះ សំ ពិសិដ្ឋ ឋានន្តរសក្ដិ ថ្នាក់អនុសេនីយ៍ត្រី ឋានៈមន្ត្រី នៅផ្នែកអន្តរាគមន៍ នៃការិយាល័យនគរបាលចរាចរណ៍ផ្លូវគោក ។
គិតមកត្រឹមម៉ោង១១ព្រឹក ថ្ងៃទី១១ តុលា ២០១៨ គេមិនទាន់ដឹងថា ស្នងការដ្ឋាននគរបាលខេត្តព្រះសីហនុ នឹងចាត់វិធានការបែបណា លើប៉ូលិសចរាចរណ៍ ដែលបានទារប្រាក់៥០ដុល្លារ (ផាកពិន័យ) ពីបុរសជនជាតិចិននោះ នៅឡើយទេ ៕
