ខេត្តព្រះសីហនុ៖ ពួកអន្ធពាលជនជាតិចិនមួយក្រុមបាននាំគ្នាពពាក់ពពូនចែកចាយ និងសេពថ្នាំញៀន ក៏ត្រូវសមត្ថកិច្ចឆ្មក់ចូលទៅបង្រ្កាប និងចាប់ខ្លួន កាលពីវេលារំលងអធ្រាត្រ ឈានចូលថ្ងៃទី២ ខែកញ្ញា ឆ្នាំ២០១៨ នៅក្នុងក្លឹបកម្សាន្ត អ៊ីតៃជាយិន មានទីតាំងនៅជិតមន្ទីរពេទ្យបង្អែកខេត្ត តាមផ្លូវឯករាជ្យស្ថិតក្នុងសង្កាត់លេខ៤ ក្រុងព្រះសីហនុ។
មន្ត្រីអាវុធហត្ថក្រុងព្រះសីហនុ បានឲ្យដឹងថា មុនពេលឈានដល់ការបង្រ្កាប និងចាប់ខ្លួននោះ សមត្ថកិច្ចបានទទួលព័ត៌មានមកថា នៅក្នុងក្លឹបកម្សាន្ដខាងលើ មានការចែកចាយ និងសេពថ្នាំញៀន។ បន្ទាប់ពីមានសេចក្ដីរាយការណ៍បែបនេះ កម្លាំងកងរាជអាវុធហត្ថក្រុង និងខេត្ត ក្រោមការសម្របសម្រួលពីលោក កៀង សុន្ទរោ ព្រះរាជអាជ្ញារងអមសាលាដំបូងខេត្ត ក៏បានចេញប្រតិបត្តិការបង្រ្កាបតែម្ដង។
មន្ត្រីអាវុធហត្ថដដែល បានបន្ដថា ក្នុងប្រតិបត្ដិការបង្រ្កាបជនសង័្សយខាងលើនេះ សមត្ថកិច្ចបានឃាត់ខ្លួនជនជាតិចិនចំនួន១១នាក់ ក្នុងនោះស្រី្ត៦នាក់ និងដកហូតបានគ្រឿងញៀនមួយចំនួនផងដែរ។
ក្រោយពេលឃាត់ខ្លួន សមត្ថកិច្ចបានបញ្ជូនជនសង័្សយទៅកាន់បញ្ជាការដ្ឋានកងរាជអាវុធហត្ថខេត្ត ដើម្បីសាកសួរ និងចាត់ការតាមនីតិវិធី៕