ភ្នំពេញ ៖ កីឡាករតេក្វាន់ដូ ITF កម្ពុជា បួន ច័ន្ទថារ៉ាត់ អាយុ១៥ឆ្នាំ ដណ្តើមមេដាយប្រាក់ នៃព្រឹត្តិការណ៍ប្រកួតជើងឯកពិភពលោក នៅទីក្រុង MINSK ក្នុងប្រទេបេឡារុស បន្ទាប់ពីចាញ់កីឡាកររបស់ចាញ់រុស្សី នៅវគ្គផ្តាច់ព្រ័ត្រ ។
លោក កៅ មករា គ្រូបង្វឹកបានប្រាប់ពីប្រទេសបេឡារុសមកថា កីឡាករវ័យក្មេង បួន ច័ន្ទថារ៉ាត់ ដណ្តើមមេដាយប្រាក់ ក្នុងវិញ្ញាសាប្រយុទ្ធទម្ងន់ ៤៥គីឡូក្រាម មុននឹងទទួលបានមេដាយប្រាក់មួយនេះ គេបានយកឈ្នះកីឡាករ ប្រទេសអេស្តូនា ក្រិក ជប៉ុន អាស្សង់ទីន កាស្សាស្ថាន និងអ៊ុយក្រែន ប៉ុន្តែនៅវគ្គផ្តាច់ព្រ័ត្រចាញ់កីឡាកររុស្សី ។
សូមបញ្ជាក់ថា ក្នុងអាយុ១៤-១៥ឆ្នាំ នៃការប្រកួតនេះ គេបែងចែកជា៤ពូល ដោយមានកីឡាករ១៤រូប ជាការប្រកួតច្រើនគូ ។
មេដាយប្រាក់កម្រិតពិភពលោកនេះ ប្រជែងបានពីព្រឹត្តិការណ៍មួយមានឈ្មោះថា World Championship Taekwon-Do ITF 2018 ៕