ខេត្តបាត់ដំបង៖ ក្មេងស្ទាវម្នាក់ចូលចិត្តមើលរឿងអាសអាភាសតាមទូរស័ព្ទ រហូតធ្វើឲ្យគេមានអារម្មណ៍ចង់រួមភេទ ហើយល្បូងក្មេងស្រីអាយុចន្លោះពី៦ទៅ១១ឆ្នាំចំនួន២នាក់ នាំទៅចាប់រំលោភសេពសន្ថវៈរហូតបានសម្រេច ក៏ត្រូវសមត្ថកិច្ចចុះទៅឃាត់ខ្លួន កាលពីវេលាម៉ោង៤រសៀល ថ្ងៃសៅរ៍ ៧កើត ខែស្រាពណ៌ ឆ្នាំច ព.ស ២៥៦២ ត្រូវនឹងថ្ងៃទី១៨ ខែសីហា ឆ្នាំ២០១៨ រស់នៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង។
ប្រភពព័ត៌មានពីកន្លែងកើតហតុ បានឲ្យដឹងថា មុនពេលឃាត់ខ្លួន ជនសង័្សយបានល្បួងលោងលោមក្មេងស្រីទាំង២នាក់នាំទៅរួមភេទ រហូតបានសម្រេចជាបន្តបន្ទាប់។ បន្ទាប់ពីកើតមាននូវករណីនេះ ក្មេងស្រីរងគ្រោះបានយករឿងរ៉ាវដែលបានកើតឡើងទៅប្រាប់ម្ដាយរបស់ពួកនាង ទើបគាត់នាំកូនស្រីរបស់ខ្លួនទៅដាក់ពាក្យបណ្ដឹង សុំឲ្យសមត្ថកិច្ចជួយរកយុត្តិធម៌ឲ្យពួកនាង។
មន្ត្រីនគរបាលក្រុងបាត់ដំបង បានឲ្យដឹងថា ជនសង័្សយជាប់ពាក់ព័ន្ធនឹងករណីចាប់រំលោភសេពសន្ថវៈ ហើយត្រូវសមត្ថកិច្ចឃាត់ខ្លួននោះ ឈ្មោះ ឌី ជា អាយុ១៧ឆ្នាំ រស់នៅសង្កាត់ខាងលើ។ រីឯជនរងគ្រោះជាអនីតិជនទាំង២នាក់ដែលត្រូវសមត្ថកិច្ចឃាត់ខ្លួន ទី១-ឈ្មោះ ប ស អាយុ១១ឆ្នាំ និងទី២-ឈ្មោះ បឡ អាយុ៦ឆ្នាំ រស់នៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង។ ការឃាត់ខ្លួនជនសង័្សយខាងលើនេះ គឺសមត្ថកិច្ចបានធ្វើឡើង តាមដីកាបង្គាប់ឲ្យឃាត់ខ្លួន ដែលចេញដោយលោក វ៉ង់ ចាន់សុយុទ្ធារា ព្រះរាជអាជ្ញារងអមសាលាដំបូងបាត់ដំបង។
ក្រោយពេលមានពាក្យបណ្ដឹងពីអាណាព្យាបាលរបស់ជនរងគ្រោះ សមត្ថកិច្ចបានចុះទៅឃាត់ខ្លួនជនសង័្សយ នាំមកសាកសួរ នៅក្នុងអធិការដ្ឋាននគរបាលក្រុង រួចហើយកសាងសំណុំរឿងបញ្ជូនទៅកាន់តុលាការ ដើម្បីចោទប្រកាន់តាមផ្លូវច្បាប់៕