ភ្នំពេញ ៖ កាលពីពេលថ្មីៗនេះ អតិថិជនដែលបានទិញផ្ទះ លេខ A49 ផ្លូវ A នៅបុរីឈូកវ៉ា I បានសសេរសារបង្ហោះនៅលើបណ្តាញសង្គមហ្វេសប៊ុក ជូន ទៅលោកឧកញ៉ាមហាសប្បុរសធម៌ ហុង ពីវ ម្ចាស់បុរីពិភពថ្មី អោយបានជ្រាប់ ពីក្តីកង្វល់របស់ពួកគាត់ចំពោះសំណង់គ្មានគុណភាព ចូលនៅមិនទាន់បាន២ខែផង ជញ្ជាំងប្រេះស្រាំ រហែកស្នាមជ្រីក្រោយជ្រុះរបេះ នេះសំណាងណាស់ មិនចំក្បាលអ្នករស់នៅ ។ តើសំណង់បុរីពិភពថ្មីគ្មានគុណភាពមែនរឺ ?
ខាងក្រោមនេះជា សាររបស់អតិថិជន បុរីពិភពថ្មីឈូកវ៉ា I គេហទំព័រយើងសុំមិនអត្ថធិប្បាយបន្ថែមឡើយ ៖ សូមពឹងបងប្អូនជួយស៊ែឱ្យលោកឧកញ៉ា ម្ចាស់បុរីពិភពថ្មីបានឃើញផង !
សូមគោរពលោកឧកញ៉ា ផ្ទះក្មួយលេខ A49 ផ្លូវ A ឈូកវ៉ា I ចូលនៅមិនទាន់ទាងបាន 2 ខែផង ជញ្ជាំងប្រេះស្រាំ រហែក ស្នាម ជ្រីក្រោយជ្រុះរបេះ នេះសំណាងណាស់ មិនចំក្បាលអ្នករស់នៅ ។
ខ្ញុំខកចិត្តណាស់ សំណង់អន់ ប្លង់សេស្ទួចដាក់ ស្នាក់នៅទាំងភ័យព្រួយ ខ្លាចធ្លាក់សង្កត់ ឥដ្ឋ ដែក គ្រួស ខ្សាញ់ មិនដឹងយកលេខប៉ុន្មានមកធ្វើ គ្មានច្រកសុវត្ថិភាពពេលមានអាសន្ន បង្អួចគ្មានជ្រីទ្រទឹកភ្លៀង ពេលភ្លៀងទឹកលិចសាចចូលក្នងផ្ទះ ។ ក្នុងប្លង់ ជាន់លើមានលយមុខ ១ម៉ែត្រ លយក្រោយ ១ម៉ែត្រ សរុបជាន់ក្រោម១២ម៉ែត្រ ជាន់លើ១៤ម៉ែត្រ តែផ្ទះសង់ជាក់ស្តែងជាន់លើគ្មានលយក្រោយ១ម៉ែត្រទេ បានតែ១៣ម៉ែត្រ ។ តាមជញ្ជាំងលែងមានជ្រី លែងមានឥដ្ឋ ងាយប្រលាក់ ងាយដាន ។
ខ្ញុំស្តាយលុយណាស់ $46888 តែ $1 មិនចុះឱ្យផង បង់មិនហ៊ានឱ្យយឺតមួយខែណាឡើយ ដល់ថ្ងៃមិនទាន់ ផ្ញើសារឱ្យមកបង់ប្រាក់ ការប្រាក់ 1% ។ ការដោះស្រាយ រុញដាក់គ្នា ជាងដូរគ្នារហូត មិនដឹងអ្នកណាជាអ្នកទទួលខុសត្រូវឱ្យប្រាកដ ដំបូងឱ្យយកសោរចូលនៅសិនទៅ ចាំជាងជួលជុលតាមក្រោយ ទៅជួបលើកក្រោយ ជួបអ្នកថ្មីថា ផ្ទះទទួលសោរហើយគេមិនសូវយកចិត្តទុកដាក់ទេ ខាំមិនទៅ ឬឆាតទៅផេកលោកឧកញាផ្ទាល់ គ្មានការឆ្លើយតប ។
ទិញផ្ទះអស់លុយហើយ ត្រូវខាតពេលនៅបារម្ភផ្ទះ នៅតាមមើលជាង ទូរសព្ទចុះឡើង ពិបាកវិលមកមើលជាងវិញ ដូចឈរធ្វើផ្ទះខ្លួនឯងហើយ ខាតពេលរកស៊ីអស់ ជាងម្តងមក ម្តងអត់ ជញ្ជាំងបិទកាវ តើសង្ឃឹម ? សូមលោកពូ និងក្រុមការងារបុរីពិភពថ្មីទាំងមូលជួយដោះស្រាយផង ខ្ញុំមិនចង់ខូចចិត្តជាមួយគម្រោងលោកពូទេ។ សូមលោកពូទទួលយកការគោរពពីក្មួយ !
ជុំវិញការលើកឡើងខាងលើនេះ គេហទំព័រ KBN យើងមិនអាចសុំការបំភ្លឺពីលោក ឧកញ៉ា ហុង ពីវ បានបាននៅឡើយទេ ៕