ភ្នំពេញ៖ ថៅកែក្រុមហ៊ុនរថយន្តក្រុងមួយ និងជាអ្នកធ្វើការនៅក្រសួងមហាផ្ទៃ បានរកនូវការចោទប្រកាន់ថា ខ្ចីរថយន្តគេជិះហើយ យកទៅបញ្ចាំ និងត្រូវម្ចាស់សរសេរបង្ហោះ នៅលើគណនីហ្វេសប៊ុករបស់គាត់។
បើយោងតាមគណនី Morm Ma Leak បានសរសេរថា ថៅកែក្រុមហ៊ុនរថយន្តក្រុងមួយ និងជាអ្នកធ្វើការនៅក្រសួងមហាផ្ទៃបានមកសុំខ្ចីឡាន LEXUS ES300 របស់នាងខ្ញុំ ជិះទៅធ្វើការនៅខេត្ត៣ថ្ងៃ ដោយហេតុថា ឡានរបស់គាត់ខូច គាត់ត្រូវចុះទៅបំពេញការងារនៅតាមខេត្ត។ ប៉ុន្តែដោយសារមានការយោគយល់ ព្រោះធ្លាប់ស្គាល់គ្នា ក៏អោយ…… 3ថ្ងៃឡើងដល់១អាទិត្យ…. ១អាទិត្យឡើងដល់១ខែ….។ នៅពេលបាត់យូរពេកនាងខ្ញុំបានសួរនាំគាត់ពីរឿងឡាន បែរជាគាត់និយាយថា មានអីឡើងមកនិយាយនៅផ្ទះគាត់មក (ផ្ទះគាត់នៅព្រៃសរភ្នំពេញ)។ នៅពេលខ្ញុំទៅដល់ផ្ទះរបស់គាត់ ស្រាប់តែក្រុមគ្រួសាររបស់គាត់ទាំងមូលបានមកនិយាយមួយនាងខ្ញុំថា ពួកគាត់សុំពេលមួយខែ គាត់នឹងដោះស្រាយឡានខ្ញុំ មកឲ្យខ្ញុំវិញ។
ប្រភពព័ត៌មានដដែល បានបន្តសរសេរបន្តថា នៅពេលនោះ នាងខ្ញុំចាប់ផ្ដើមឆ្ងល់ ហើយសួរនាំសួរគាត់ថា ឡានខ្ញុំទៅណា? ពុទ្ធោ… លោកម្ចាស់ក្រុមហ៊ុនដ៏ខ្ពង់ខ្ពស់ លោកទៅជួលឡាន Rang Rover ពីឃ្លាំងលក់រថយន្ដជិះ ហើយជិះ Rang Rover គេឡើងឡោកខូចឡានគេ អត់លុយធ្វើឡានសងគេ ក៏បែកគំនិតខ្ចីលុយគេ(ដោយយកឡាននាងខ្ញុំទៅបញ្ចាំ)។ លោកគិតអី…. លោកមានសួរនាងខ្ញុំជាម្ចាស់របស់ទេ? លោក… ហេតុម្ដេចបានហ៊ានអារកាត់របស់អ្នកដទៃ……………. ហឺ…..ខ្ញុំនិយាយលែងចេញ…..ប្រឹងស្ដាប់បន្ដនូវសម្ដីគ្រួសារគាត់…. ដោយមានការអង្វរករពីឪពុករបស់គាត់។ ភាសាទទួលខុសត្រូវរបស់គ្រួសារគាត់ថាថ្ងៃទី១២ ខែមិថុនាឆ្នាំ២០១៨ គាត់នឹងដោះស្រាយ លោះឡានរបស់នាងខ្ញុំមកឲ្យខ្ញុំវិញ។ ដោយសារមានការយោគយល់ដល់ទឹកចិត្តឪពុកម្ដាយក្រុមគ្រួសារ(គាត់ពោលថាលុយ10000ដុល្លារ វាច្រើនណាស់សម្រាប់គាត់សុំពេលតិចសិន) ខ្ញុំក៏យល់ព្រម……. ថ្ងៃ12ខែ06………… ឡើងដល់13ខែ07នៅតែគ្មានដំណោះស្រាយជូនខ្ញុំ។
ប្រភព័ត៌មានដដែល បានបន្តថា មុននឹងនាងខ្ញុំបង្ហោះហ្វេសប៊ុក នាងខ្ញុំបានតេទូរស័ព្ទទាក់ទងរកគាត់ គាត់បានឲ្យខ្ញុំទាក់ទងទៅក្រុមគ្រួសារគាត់ដូចមុនដដែល….. Ok ខ្ញុំក៏ទាក់ទងទៅបងស្រីរបស់គាត់តាមទូរស័ព្ទ……. ទីបំផុតដំណោះស្រាយរបស់គាត់ គឺគ្មាន។ គាត់និយាយថា គាត់អស់ហើយ គ្រួសារគាត់គ្មានលុយទេ…. ខ្ញុំនិយាយតបទៅបងស្រីរបស់គាត់វិញថា រឿងគ្រួសាររបស់គាត់អស់ មិនអស់ ខ្ញុំមិនដឹងទេ។ ខ្ញុំសួរថា ឡានខ្ញុំដោះស្រាយយ៉ាងម៉េច? គាត់និយាយដូចដើម ហើយសុំជួបប្ដីខ្ញុំ ខ្ញុំថាមានអីនិយាយជាមួយខ្ញុំមក ខ្ញុំជាម្ចាស់របស់ តែគាត់ថា គាត់មិននិយាយនឹងខ្ញុំទេ។ បើខ្ញុំនៅតែចង់និយាយរឿងឡានហ្នឹងជាមួយគាត់ទៀត ខ្ញុំនឹងក្លាយទៅជាមនុស្សរំខានពេលវេលាគាត់…..អូហ៍! ហូ….. សម្ដីឡូយទាំងគ្រួសារប្រែប្រួលលឿនម្ល៉េះ។ ដំបូងបើគ្រួសារអ្នកមិនអង្វរខ្ញុំ ក៏ខ្ញុំមិនបានមកខាតពេលជាមួយអ៊ីចឹងដែរ ហើយអ្នកណាដែលអ្នកខាតពេលពិតប្រាកដ គឺនាងខ្ញុំ។
ទោះជាយ៉ាងណា អ្នកម្ចាស់គណនី និងជាម្ចាស់រថយន្តខាងលើ មិនបានបញ្ជាក់ពីឈ្មោះក្រុមហ៊ុនរថយន្ត និងអត្តសញ្ញាណពិតប្រាកដរបស់អ្នកខ្ចីរថយន្តរបស់នាងទៅបញ្ចាំនោះទេ៕