កីឡាបរទេស៖ ឈានមកដល់វគ្គផ្ដាច់ព្រ័ត្រនេះ គឺលោកអ្នកបានដឹងរួចមកហើយ គឺក្រុមបាល់ទាត់ជម្រើសជាតិអង់គ្លេស និងក្រូអាត នឹងត្រូវប្រកួតដណ្ដើមពាន នៅវេលាម៉ោង១០យប់ (ម៉ោងនៅកម្ពុជា) ថ្ងៃទី១៥ ខែកក្កដា ឆ្នាំ២០១៨ នៅក្នុងពហុកីឡដ្ឋាន Luzhniki ប្រទេសរុស្ស៊ី។ ប៉ុន្តែអ្នកនិមយទស្សនាបាលទាត់ជាច្រើន គឺមិនបានស្គាល់ឈ្មោះអាជ្ញាកណ្ដាល ជាអ្នកកាត់ក្ដី នៅក្នុងការឡើងពានរង្វាន់នោះទេ។
បើតាមព័ត៌មានរបស់បរទេស បានឲ្យដឹងថា FIFA បានប្រគល់តួនាទីជាអាជ្ញាកណ្តាលនោះទៅឲ្យលោក Nestor Pitana អាយុ៤២ឆ្នាំសញ្ជាតិអាហ្សង់ទីន។ លោក Nestor Pitana ធ្លាប់បានកាត់ក្តី នៅក្នុងព្រឹត្តិការណ៍ World Cup នារដូវកាលនេះ៤លើករួចមកហើយ ចាប់តាំងពីការប្រកួតបើកឆាកប្រកួត រវាងក្រុមជម្រើសជាតិរុស្ស៊ី និងអារ៉ាប៊ីសាអូឌីត។
នៅក្នុងការកាត់ក្ដី រវាងក្រុមក្រូអាត និងបារាំងនោះ លោកអាជ្ញាកណ្តាលវ័យ៤២ឆ្នាំរូបនេះនឹងមានជំនួយការអាជ្ញាកណ្តាល២រូបផ្សេងទៀត គឺលោក Juan Pablo Bellati និងលោក Hernan Maidana មានសញ្ញាតិអាហ្សង់ទីនដូចគ្នា។ លោក Nestor Pitana ជាអាជ្ញាកណ្តាលមួយរូប មានបទពិសោធន៍ជាច្រើនឆ្នាំមកហើយ នៅក្នុងការកាត់ក្តី នៅក្នុងព្រឹត្តិការណ៍ប្រកួតកីឡាបាល់ទាត់ធំៗ ចាប់តាំងពីឆ្នាំ២០១០មកម៉្លេះ៕
